«Halyqaralyq teatr synshylary birlestigi» - «International Union of Theatre Critics» – elimizdiń jáne sheteldiń belgili kásibı teatrtanýshy mamandarynyń basyn biriktiretin alań. Birlestiktiń basty maqsaty – búgingi qazaq teatrynyń negizgi tendenııalaryn anyqtap, zamanaýı teatr men dramatýrgııa máselelerin qarastyryp, onyń damýy jolynda jumys jasaý.
Búginde elimizdegi teatrlarda bolyp jatqan shyǵarmashylyq úderis, onyń damý men baǵyt-baǵdary, repertýaryn jasaýdaǵy ustanǵan saıasaty, kórermenniń qoıylymǵa kelýi men qabyldaýy t.b. máseleleri jáne ol úderisti der kezinde saraptamadan ótkizý otandyq jáne halyqaralyq teatr qaýmdastyǵy, kásibı mamandar jáne resmı memkemeler tarapynan qyzyǵýshylyq týdyryp otyr.
Osyǵan oraı, ótken jyly negizi qalanǵan birlestik bıyl da dástúrli túrde 2020 jyldaǵy Qazaqstan teatrlarynyń jasaǵan jumystaryna kásibı baǵalaryn berip, sarapqa saldy. Jumys nátıjesin anyqtaý maqsatynda arnaıy qurastyrylǵan saýalnama suraqtary elimizdiń barlyq teatrlaryna jiberilgen. Atalmysh jyldyń 14 qańtar kúni saýalnamaǵa qatysqan teatrlardyń derekteri negizinde monıtorıng jumysy júrgizilip, shyǵarmashylyq ári sandyq kórsetkishi boıynsha «Qazaqstan teatrlary – 2020» atty onlaın konferenııa uıymdastyrylyp, «SYNShYLAR JÚLDESI» tabystaldy.
Osy tusta elimizdegi Ulttyq, akademııalyq, memlekettik oblystyq, qalalyq statýsyn ıelengen 60-qa jýyq respýblıkalyq, oblystyq jáne qalalyq deńgeıdegi drama, mýzykalyq drama, komedııa, qýyrshaq teatrlarynyń ishinen Almaty qalasynyń Memlekettik qýyrshaq teatry tómendegi nomınaııalar boıynsha ÚZDIK dep tanyldy:
- «Úzdik balalarǵa arnalǵan qoıylym – «Úıshik» spektakli»;
- «BAQ-pen úzdik jumys jasaǵan teatr»;
- «Onlaın formattaǵy eń belsendi teatr».
Sondaı-aq, teatrdyń talantty rejısseri Anton Zaıev respbýlıka boıynsha úzdik TOP-5 rejısserler qatarynan tabyldy.
Aıta keterligi, 2019 jylǵy nátıje boıynsha Memlekettik qýyrshaq teatry «BAQ-pen úzdik jumys jasaǵan teatr», «Úzdik balalarǵa arnalǵan qoıylym» nomınaııalary boıynsha da úzdik dep tanylyp, kásibı mamandar tarapynan joǵary baǵaǵa ıe bolǵan.
Búginde ulttyń rýhanı qajettiligin ótep, qazaqtyń qýyrshaq teatry ónerin órkendetip, keshegi men búgingi ómir arasyn ónerdiń bıik shyńy arqyly shynaıy kórsete bilýdi maqsat tutqan Memlekettik qýyrshaq teatrynyń baǵyty men baǵdarynyń durys ekendigin osydan ańǵarýǵa bolady.
Gúlim KÓPBAIQYZY
