Maŋǧystau oblysynda äskeri-teŋız oqu-jattyǧuy kezınde 14 äskeri qyzmetşınıŋ qaza tabuyna bailanysty tergeu jūmystary aiaqtaluǧa jaqyn, dep habarlaidy "Adyrna" ūlttyq portaly.
Qazır ıs boiynşa 300-den astam adamnan jauap alynyp, 30-dan asa sot saraptamasy men zertteu jürgızılgen.
Būl turaly Bas prokuraturanyŋ baspasöz qyzmetı aitty.
Vedomstvonyŋ habarlauynşa, qaiǧyly oqiǧanyŋ barlyq män-jaiyn anyqtau maqsatynda keşendı tergeu jürgızılgen. Tergeu aiasynda qyzmetke salǧyrt qarady jäne keme jürgızu qaǧidalaryn būzdy degen küdıkpen segız lauazymdy tūlǧa sot sanksiiasymen qamauǧa alynǧan. Olardyŋ qatarynda Qaruly Küşterdıŋ Äskeri-teŋız küşterınıŋ bas qolbasşysy, onyŋ bırınşı orynbasary men jauyngerlık daiarlyq jönındegı orynbasary, ekı äskeri bölımnıŋ komandirlerı, teŋız jaiau äskerı batalony men rotasynyŋ komandirlerı, sondai-aq kater kapitany bar.
Bas prokuratura mälımetınşe, jaqyn arada tergeudı aiaqtap, qylmystyq proseske qatysuşylardy ıs materialdarymen tanystyru josparlanyp otyr. Tergeu barysy vedomstvonyŋ erekşe baqylauynda.
Eske salaiyq, 24 qyrküiekte Maŋǧystau oblysynda äskeri-teŋız oqu-jattyǧuy kezınde qaiǧyly oqiǧa bolǧan. Jaǧalauda oqu-jauyngerlık tapsyrmalardy oryndau barysynda aua raiy kürt būzylyp, jel küşeigen. Sonyŋ saldarynan teŋızde 17 äskeri qyzmetşı qalyp qoiǧan. Olardyŋ üşeuı qūtqarylyp, 14-ı qaza tapty.
Oqiǧadan keiın Memleket basşysy Qasym-Jomart Toqaev qorǧanys ministrlıgıne keşendı tekseru jürgızudı tapsyrdy. Prezident äskerdegı jüielı mäselelerge nazar audaryp, äskeri qyzmetşılerdıŋ qaza boluyn ofiserlerdıŋ, sonyŋ ışınde generaldardyŋ käsıbi mındetterın tiısınşe oryndamauymen bailanystyrdy. 21 qazanda Qauıpsızdık Keŋesınıŋ otyrysynda äskeri reformanyŋ jospary maqūldandy. Al 24 qazanda qorǧanys ministrlıgı reformany ıske asyru jūmystary bastalǧanyn habarlady.
