Reseı kúmándi vakınasyn da bizge tyqpalaýda ma?

2980
Adyrna.kz Telegram

Qazaqstanda 10 mıllıon adamǵa COVID-ke qarsy vakına salý josparlanyp otyr. El halqyna reseılik «Spýtnık-V» vakınasy salynbaq. Alaıda bul ekpe týraly basqa elderdiń ustanymy qandaı?

Densaýlyq saqtaý mınıstri Alekseı oıdyń aıtýynsha, Qazaqstanda vakına salynatyndar 18 jas pen 60 jas aralyǵyndaǵy azamattar bolmaq.  Sondaı-aq, mınıstr reseılik  «Spýtnık V» vakınalarynyń eki mıllıon dozasyn alý týraly kelisim bar ekenin atap ótti. Ol Qazaqstanǵa sýbstanııa túrinde jetkiziledi jáne keıinnen Qaraǵandy farmaevtıkalyq zaýytynyń bazasynda óndiriledi eken.

Sonymen oı sóz etken vakına qandaı vakına, eń aldymen osyǵan toqtalyp ótsek. «Spýtnık-V» vakınasy á degennen qabyldanbaı, qarsylyqqa ushyraǵan ekpe bolatyn. Eń aldymen bul ekpeni Eýroodaqqa múshe elder «kereksiz dúnıe» dep baǵalap, keri ysyrdy. Artynan AQSh ta COVID-tiń aldyn alady dep Reseı óndirgen vakınany keleke etip, «mundaı ekpeni tipti maımyldarǵa da saldyrmas edik», dep málimdedi. Al reseılik BAQ bul vakınany dáp bir jer planetasynyń barlyq eli surap, alyp jatqandaı etip kórsetip, aqparatty burqyratyp jatyr.

Dıalog.UA. aqparattyq saıtynyń habarlaýynsha, reseılik vakınany sanaýly ǵana el satyp alǵan. Onda da synaq jasaý úshin ekpeni az ǵana mólsherde alyp jatqan kórinedi. Nege? Sebebi, senim joq. Reseıde álem biletin ımmýnologııalyq mektep te joq. Sondyqtan Reseı Federaııasy ımmýndaý úshin shynymen sapaly dári jasaı almaıtyny beseneden belgili. Tipti reseıshil vektorda óz saıasatyn qurǵan elder de reseılik vakınanyń klınıkalyq synaqtarynyń tolyq aıaqtalýyn kútkendi jón kóredi nemese qazir vakınany basqa óndirýshilerden satyp alýda.

Máselen, Túrkııa Reseı vakınasyn DDSU sertıfıkattaǵanǵa deıin-aq qabyldamady jáne sinovac Biotech Qytaı vakınasyn satyp alýǵa kelisken. Bul qytaılyq ekpeniń de DDU sertıfıkaty joq, biraq klınıkalyq synaqtardan ótken. Qazir reseılik úgit-nasıhat aqparat kózderi Vengrııanyń, Serbııanyń jáne Venesýelanyń "Spýtnık-V" reseılik vakınasyn jappaı satyp alyp jatqanyn jarysa jazýda. Al shyndyǵynda, Vengrııa klınıkalyq zertteýler úshin 5 myń dozadan aspaıtyn vakına satyp alypty. Ókinishke qaraı, Vengrııa memleketi sol alǵan ekpeni ózine saldyryp, synaqtan ótkisi keletin erikti adam tappaı otyr.

Al jappaı vakınaııa úshin brıtan-shvedtiń AstraZeneca  ekpesinen 12 mln mólsherin, belgııalyq Janssen  men amerıkan-nemistiń Pfizer-BioNTech  vakınalaryna tapsyrys bergen. Tipti Reseıge óte táýeldi Venesýela da 2021 jyldyń I toqsanynyń sońynda reseılik vakınany jetkizýdi bastaýǵa nıetti, ıaǵnı onyń klınıkalyq zertteýleriniń sońǵy kezeńinde, olardyń nátıjeleri tolyǵymen belgili bolǵan kezde ǵana alýdy josparlap otyr. Reseılikter vakınasyn satýdyń eń úlken naryqtarynyń biri retinde qarastyrǵan Úndistan da Pfizer/BioNTech jáne Bharat Biotech vakınalaryn jedel sertıfıkattaý satysynda eken. Tipti Reseıdiń Serbııa sııaqty adal odaqtasy Pfizer Biotech shyǵarǵan vakınanyń 1,8 mıllıon dozasyn satyp alǵan.

Olaı bolsa, «esi durys elder» bas tartqan vakınany Qazaqstan nege jantalasyp jarnamalap jatyr? Jarnamasy azdaı, 10 mln adamǵa osy «Spýtnık-V» ekpesin salýdy josparlap ta qoıdy. Tolyq medıınalyq synaqtan ótpegen, nátıjesi belgisiz vakınany jappaı salý arqyly bizdiń Densaýlyq saqtaý mınıstrliginiń kózdegeni ne? «Ekpe egildi» degen qujattyq belgi soǵý ma, álde «kúl bolmasań, búl bol» degen nıet pe?

Merýert HÝSAINOVA,

«Adyrna» ulttyq portaly.

Foto ashyq derekkózden alyndy.

Pikirler