Tegeran ál-Qudys elıtalyq jasaǵynyń qolbasshysy, general Kasem Sýleımanıdiń ólimine Donald Trampty kinálaıdy. Bul týraly eldiń sot bıliginiń basshysy Ibragım Raısı aıtty, dep habarlaıdy «Adyrna» tilshisi RIA Novostı-ge silteme jasap.
«Tramp – Súleımanıdiń ólimine jaýapty nómiri birinshi qylmysker. Biraq ony jazadan qutylyp ketti dep sanaýǵa bolmaıdy»,-dedi ol.
Raısıdiń aıtýynsha, Iranda bul isti zań júzinde qaraý úshin jetkilikti dálelder bar. Aldaǵy ýaqytta ol tergeýdi jalǵastyryp, kisi óltirýdi uıymdastyrýshylar men men qylmysty oryndaýshylardy jazaǵa tartpaq.
Eske sala keteıik, AQSh áskerıleri 3 qańtar kúni Baǵdatta áýe shabýylyn jasap, general Kasem Sýleımanıdi óltirgen bolatyn. Kóp uzamaı Iran qolbasshyny óltirgeni úshin AQSh-tan kek alatynyn málimdedi.
«Adyrna» ulttyq portaly
