Nıgerııada koronavırýstyń jańa shtamy anyqtaldy. Afrıka aýrýlaryn baqylaý jáne aldyn alý ortalyǵynyń málimetinshe vırýstyń bul jańa túri, buǵan deıin Ońtústik Afrıka Respýblıkasy men Ulybrıtanııada tirkelgennen ózgeshe. Afrıka aýrýlaryn baqylaý jáne aldyn alý ortalyǵynyń dırektory (Africa CDC) Djon Nkengasongtyń aıtýynsha: «Bul indet Ulybrıtanııa men Ońtústik Afrıkadan bólek».
Jergilikti ǵalymdar ınfekııanyń adamǵa qanshalyqty qaýipti ekenin anyqtaý úshin qosymsha zertteý jumystaryn júrgizý kerek deıdi. Jalpy sońǵy kezderi Nıgerııada koronavırýs indetine shaldyqqandardyń sany eki ese artty. Mamandardyń boljamynsha buǵan vırýstyń jańa túri sebep bolýy múmkin. Nkengasongtyń málimetinshe, sońǵy aptada indet elde 52%-ǵa, al barlyq Ońtústik Afrıkada 40%-ǵa artqan. Al ınfekııanyń osylaı kóbeıýine jańa shtamnyń yqpal etkeni jaıly eshqandaı dálel joq.
Esterińizge salsaq, jeltoqsannyń basynda Ulybrıtanııa men Ońtústik Afrıkada koronavırýstyń jańa shtamdary tirkelgen bolatyn. Ulybrıtanııanyń Densaýlyq saqtaý Mınıstrliginiń basshysy Mett Henkok elde jańa qozdyrǵyshty juqtyrǵandardyń sany 1000-ǵa jetkenin aıtqan edi. Sondaı-aq, «keıbir óńirlerde aýrý kúrt óskenmen, jaǵdaı baqylaýda qalady» dep jarııalaǵan. Al Anglııanyń bas sanıtarlyq dárigeri Krıs Ýıttı jańa shtam 70 %-ǵa jyldam taralatyny, degenmen indettiń kúrdelenip ketpeıtinin málimdegen edi.
Al Ońtústik Afrıka bıligi koronavırýstyń bul jańa túrin 19 jeltoqsanda jarııalaǵan bolatyn. Ǵalymdar bolsa, aýrýdyń osy jańa túrin 501.V2 dep ataǵan. Eldiń Densaýlyq saqtaý Mınıstri Zvelı Mhızeniń aıtýynsha, genetıkter naýryz aıynan bastap, vırýstyń úlgilerin zerttep keledi jáne onyń jańa nusqasy sońǵy eki aıda elde basym bolýda. Ǵalymdardyń aıtýynsha, aýrýdyń Ońtústik Afrıkadaǵy ekinshi tolqyny jańa mýtaııamen baılanysty. «Qazir vırýs tez taralýda jáne aýrýhanalarǵa kóptegen jas paıentter jatqyzylýda» deıdi Mhıze.
Dýman Arǵyngeldi,
«Adyrna» ulttyq portaly
