Qazaqstan Prezıdenti Qasym-Jomart Toqaev óz Joldaýynda «Azamattyq qoǵamǵa qoldaý kórsetip, onyń áleýetin nyǵaıta túsý kerek. Sondaı-aq asa mańyzdy jalpymemlekettik mindetterdi sheshý úshin talqylaý jumystaryna azamattyq qoǵamnyń múmkindikterin keńinen qoldaný qajet», degen bolatyn. Prezıdenttiń osy sózinen halyq pen bıliktiń ortaq múdde sheńberinde birlesken is-qımylynyń mańyzdylyǵyn túsinemiz. Sebebi, azamattyq qoǵamnyń belsendi bolýy, áleýmettik-ekonomıkalyq damýdyń, demokratııalyq qundylyqtardyń el ıgiligine aınalýynyń negizi bolary anyq. Búgingi zamannyń ólshemimen qaraǵanda azamattyq qoǵamy damymaǵan eldiń, zaman talaby men ýaqyt suranysyna saı damýy da qıyn syńaıly.
Jalpy, azamattyq qoǵamnyń myqty bolýy úshin, ata-ana balasyna jastaıynan joǵary azamattyq prınıpterge sáıkes durys tárbıe bergeni jón dep oılaımyn. Azamattyq qoǵam myqty bolsa – memleket árqashan da myqty. Eger bılik myqty bolyp, azamattyq sezim tómen bolsa, bul eldiń bolashaǵy bulyńǵyr bolatyn sekildi. Tıisinshe qaıratty, jigerli azamattyq qoǵam qalyptastyrý – azamattyq qaýymdastyqtyń basty mıssııasy.
Memleket basshysy Qasym-Jomart Toqaev jaqsy aıtyp júr. «Halyq únine qulaq asatyn memleket» qalyptastyryp, azamattyq qoǵamdy damytýǵa jol salynbaq. Endi sony ári qaraı damyta túsken oryndy is bolmaq. Sebebi, barlyq damyǵan, demokratııalyq memleketter muny áldeqashan túsingen. Olarda qaıratty azamattyq qoǵam qalyptasqan.
Azamattyq qoǵam – demokratııa damýynyń kórsetkishi. Bul – halyqtyń qoǵamdyq-áleýmettik, mádenı-rýhanı jáne saıası mádenıeti. Osy ıdeıa aıasynda birlesken, qurylǵan qoǵamdyq uıymdar – azamattyq qoǵamnyń kúre tamyry. Azamattyq qoǵamnyń jumysy kemeldengen kezde barlyǵymyzdyń ómirimiz mazmundy deńgeıge kóteriledi degen oıdamyn.
Qazirgi tańda elimizde azamattyq qoǵam qalyptasý ústinde. Degenmen sońǵy 5-10 jyldyń ishinde elimizdegi úkimettik emes uıymdardyń sany artty, qamtıtyn baǵyttary keńeıdi. Azamattyq qoǵam ınstıtýttaryna úkimettik emes uıymdardan bólek, saıası partııalar, eriktiler qozǵalysy men qaıyrymdylyq qorlar da jatady. Keıingi jyldary memleket tarapynan qoǵamdyq uıymdardyń damýyna erekshe kóńil bólinýde. Prezıdent óz Joldaýynda el ekonomıkasyn damytýdy kúsheıtý úshin saıası modernızaııa jasap, sol arqyly osy qoǵamdyq uıymdardy jáne azamattyq sektordy kóbirek tartý qajettiligin aıtqan bolatyn. Aqparat jáne qoǵamdyq damý mınıstrligi tarapynan da tıisti is-sharalar, arnaıy tujyrymdamalar qabyldanýda.
Qazaqstan Prezıdenti Qasym-Jomart Toqaevtyń Qazaqstan halqyna Joldaýynda aıtqan «Kúshti Prezıdent – yqpaldy Parlament – esep beretin Úkimet» formýlasy da qoǵammen baılanystyń mańyzdy ekenin kórsetip otyr. Bul formýladan halyqpen keri baılanystyń mańyzdy ekenin, azamattarmen keri baılanys arqyly olardyń senimine ıe bolatynyn kóremiz. Árbir memleket, onyń ishinde atqarýshy organ azamattyq qoǵamdy damytýǵa múddeli. Sebebi, azamattyq qoǵam – seriktes retinde sanalady. Ásirese sheshim qabyldaý kezinde kóptegen kózqarasty usynady. Al seriktes retinde sheshimniń ári qaraı júzege asýyna kómektesedi. Memlekettik organnyń barlyǵy belgili bir máselege birdeı qaraýy múmkin, al azamattyq qoǵam ınstıtýttary bilim, medıına, áleýmettik qorǵaý sııaqty ártúrli saladaǵy toptar bolǵandyqtan jan-jaqty kózqarasta bolady. Sonymen qatar, olar jergilikti máselelerdi jaqsy biledi. Osylaısha úkimet pen memleketke aqparatty tez jetkize alady. Atqarýshy organ mundaı toptardy aqparatty alý, ortaq sheshim qabyldaýǵa paıdalana lady.
Qoryta aıtqanda, álemde azamattyq qoǵamy damyǵan elder, alǵa qaraı qadam basyp, damyǵan elder. Sebebi, azamattarynyń kózqarasy men pikirlerine qulaq asatyn bıligi bar azamattyq qoǵam - eń jaqsy qoǵam.
D.Arǵyngeldi,
“Adyrna” ulttyq portaly
