Elordanyń bas sanıtar dárigeri Janna Pirálıeva Nur-Sultannyń "qyzyl" aımaqqa kirýine baılanysty astanalyqtarǵa úndeý jasady, - dep habarlaıdy «Adyrna» ulttyq portaly Tengrinews.kz tilshisine silteme jasap.
"Mereke kúnderi 4 kún demalasyzdar. Jaqyndaryńyz ben týystaryńyzdyń janynda bolýǵa múmkindik bolady. Men árqaısylaryńyz úshin alańdaımyn. Sizderdi jaqyndaryńyzdyń densaýlyǵyn oılaýǵa shaqyramyn", - deıdi elordanyń bas sanıtar dárigeri.
Sonymen qatar, ol Qazaqstanda koronavırýs boıynsha jaǵdaı turaqty emes ekenin atap ótti.
"Sizder qala 14 kún boıy "sary" aımaqta bolǵanyn bilesizder.
Osyǵan qaramastan bıznesti qoldaý maqsatynda qaýly qabyldandy. Osy demalys kúnderi saýda oıyn-saýyq ortalyqtary, saýda úıleri, bazarlar jumys isteıdi. Alaıda 10 jeltoqsannan bastap qala "qyzyl" aımaqqa kirdi. Endi talapty qataıtý máselesin talqyǵa salý kerek", - deıdi Pirálıeva.
