Kóz – jannyń aınasy. Shynynda da, olar siz týraly kóp nárse aıta alady. Tekserip kóremiz be? Olaı bolsa, joǵarydaǵy sýrette berilgen janarlardyń birin oılanbastan tańdańyz. Tańdaý jasamaıynsha jaýaptaryn oqymańyz.
1. Sizdiń basty ereksheligińiz — ashyqtyq
Siz júregińizdi kez kelgen adamǵa ashyp, syrlasa alasyz. Qolyndaǵy baryn berýge daıyn jansyz. Jıi táýekelge barasyz. Siz eshqashan basqalarǵa óz qorqynyshyńyzdy nemese senimsizdigińizdi kórsetpeısiz. Óz máseleńizdi ózińiz sheshýge tyrysasyz, biraq árqashan basqalarǵa kómektesýge daıyn turasyz.
2. Sizdiń basty qasıetińiz-adaldyq
Siz jaǵymdy áser qaldyrýdy unatatyn jáne árqashan bárin durys jasaýǵa tyrysatyn adamsyz. Qınalǵanyńyzdy ózgelerge bildirtpeısiz, tuıyqtalyp qalasyz. Ómirińizdi ózińizge emes, otbasyńyzǵa arnaısyz.
3. Sotqar jansyz
Siz áli kúnge deıin óz álemińizdi izdeý ústindesiz. Keıde ótkenińiz úshin qatty uıalasyz. Tyǵyryqtan ońaı sytylyp shyǵatyn jandardyń qataryna kiresiz.
4. Fılosofsyz
Tereńnen oılaıtyn adamdardyń birisiz. Keıde óz suraqtaryńyzǵa jaýap tabasyz, biraq biraz ýaqyttan soń jańa jumbaqtardy izdeı bastaısyz. Sizdiń álemińiz – sheksiz pazl. Árdaıym ómirdiń qyzyqty sátterin qurastyrǵyńyz keledi.
5. Jumbaq jansyz
Siz ózińizdiń kim ekenińizdi jáne ne qalaıtynyńyzdy áli kúnge deıin túsinbedińiz. Degenmen, izdenis ústinde bolýdy jalǵastyryńyz! Sizdiń kóńil — kúıińiz kún saıyn, keıde kúnine birneshe ret ózgeredi.
Ádette, múldem sóılemeı qalasyz jáne ózińiz týraly aıtqandy unatpaısyz. Al basqa bireý óz ómiri týraly aıtsa, uıyp tyńdaısyz.
6. Sezimtalsyz
Siz bárin baıqaıtyn ári eshqashan eshteńeni umytpaıtyn adamsyz. Sonyń arqasynda álemmen erekshe úılesimde ómir súresiz. Sizdi qýantý da, muńaıtý da ońaı. Degenmen, ózińizdiń náziktigińizdi syrtqy álemnen jasyrasyz. Kópshilik sizdi «tym qatty» dep oılaıdy. Jalpy, pozıtıvti jansyz jáne ómirden tek jaqsylyqty kútesiz. Eger álemde jańa jáne túsiniksiz nárse paıda bolsa, ol týraly birinshi bolyp bilgińiz keledi.
7. Qaıratty jansyz
Boıyńyzdaǵy kúsh-qýat sheksiz. Alaıda jıi ýaıymǵa salynasyz . Qarapaıym ómir súrýdi qalaısyz. Siz shyn júrekten súıesiz nemese shyn júrekten jek kóresiz. Kez kelgen másele boıynsha pikir bildire alasyz.
8. Ádetten tys qylyqtaryńyz bar
Erekshe múddeler men senimderge ıe adamsyz. Dástúr, ereje, zań degen dúnıelermen júrý sizge tán emes. Ádette basqalardan eshteńe jasyrmaısyz. Ózińizge uqsas jandardy tapqyńyz keledi. Eshkimge uqsamaıtyndyǵyńyz osynda jatyr.
9. Zereksiz
Óte aqyldy jansyz. Únemi jańa dúnıelerdi bilýge tyrysasyz. Adamnyń ne oılaıtynyn nemese sezinetinin onyń sózine emes, ıntonaııasy men bet-álpetine qarap túsine alasyz. Aldap tursa, birden sezesiz. Janyńyzdaǵylarǵa ózińiz týraly syr ashpaısyz.
Daıyndaǵan: Dıana ASAN,
«Adyrna» ulttyq portaly
