Bolar bala jasynan. Dýlat Tantaev - elimizdegi eń jas aspazdardyń biri. Nebári on bir jastaǵy jetkinshek bala kezinen aspazdyq ónerdi meńgerip, búginde óz nápaqasyn taýyp júr. «Adyrna» ulttyq portaly ónerli órenmen bolǵan suhbatty nazarlaryńyzǵa usynady.
Aspazdyq - súıikti isim
– Osydan eki-úsh jyl buryn ǵalamtordan tanymal aspazdardyń vıdeolaryn kóre bastadym. Ýaqyt óte kele tamaq pisirýge degen qyzyǵýshylyǵym arta tústi. Eń alǵash tátti keks ázirlegen bolatynmyn. Ony daıyndaý barysynda aıtarlyqtaı qıyndyqtar bolmady. Osylaısha basqa da taǵam túrlerin jasap úırendim. Qazirgi tańda aspazdyq meniń súıikti isime aınaldy.
Kez kelgen tamaqty jasaı alamyn
– Qansha túrli tamaq ázirleı alatynymdy naqty bilmeımin. Dese de, taǵamnyń reeptisin bilsem, kez kelgen túrin jasaı alamyn. Olardyń ishinen unaǵanyn tańdap, daıyndalý jolymen bólisemin.
Instagram arqyly tapsyrys qabyldaımyn
–Instagram jelisinde jeke paraqsham bar. Ony negizinen túrli reepttermen bólisý úshin ashqan bolatynmyn. Birinshi vıdeomda Napoleon tortynyń jasalý jolyn túsindirdim. Kópshilik ózderiniń jaǵymdy pikirler qaldyrdy. Keıin túrli usynystar túskendikten, tapsyrys qabyldaı bastadym. «As ıesimen tátti» demekshi, árbir tapsyrysty úlken yjdaǵattylyqpen daıyndaımyn.
Otbasym meni birden qoldady
– Kásipti bastaýyma aǵam kómektesti. Otbasym men jaqyndaryma jasaǵan taǵamdarym qatty unaǵandyqtan, meniń qyzyǵýshylyǵymdy birden qoldady. Búginde tapsyrys qabyldaýmen qatar, túrli táttiler men taǵamdardyń vıdeoreeptilerin túsiremin.
6-synypta oqıtyn jas talant suhbat barysynda barlyǵyna úlgeretinin jetkizdi.
– Oqý úlgerimim jaqsy. Bos ýaqytymda fýtbol oınap, sportpen shuǵyldanamyn. Sondaı-aq, YouTube-ten ártúrli reeptilerdi kórip, jańa taǵam túrleriniń mázirimen tanysamyn.
Armany asqaq Dýlat
– Armansyz adam bolmaıdy. Bolashaqta myqty aspaz bolyp, Almaty qalasynda Parıjdegideı kúshti meıramhana ashqym keledi.
Súıikti isińizben aınalysyńyz!
– Altyndaı ýaqytyńyzdy bosqa ótkizbeı, súıikti isińizben aınalysyńyz. Eńbektenińiz. Sol kezde siz eń baqytty adam bolasyz.
Áńgimelesken Dıana ASAN,
«Adyrna» ulttyq portaly
