Mäjılıstegı partiialyq tızımge Aqtöbe oblysynan ūsynylǧan ümıtkerlerdıŋ ışınde jastar jäne medisina qyzmetkerı bar. Olar partiianyŋ Aqtöbe oblystyq filialynyŋ kezekten tys XXX konferensiiasynda pıkırsaiys pen dauys beru qorytyndysy arqyly anyqtaldy.
Konferensiia barysynda Mäjılıske Nur Otan-nyŋ partiialyq tızımıne ümıtkerler arasynda pıkırsaiys öttı. Olar öz sailaualdy baǧdarlamasy boiynşa mäselelerdı şeşu joldaryn ūsynyp, bır-bırıne sūraqtar qoidy. Pıkırsaiys qorytyndysy boiynşa 15 ümıtkerge «Praimeriz» aqparattyq jüiesı arqyly 109 delegat dauys berdı. Nätijesınde eŋ köp ūpai jinaǧan törteuı oblystyŋ ökıldık kvotasyna säikes Mäjılıstegı partiialyq tızımge ümıtker retınde endı.
Atap aitqanda, grek-rim, erkın jäne äielder küresı oblystyq federasiiasynyŋ prezidentı Rahat Sydyqov eŋ köp dauys jinady. Ekınşı oryndy 96 dauyspen memlekettık qyzmetker Amanǧali Berdalin ielendı. Sonymen qatar tızımge «DARU Medical Group» bas direktory Ǧalymjan Eleuov, «Jas Otan» Jastar qanaty Aqtöbe oblystyq filialynyŋ töraǧasy Asyljan Bürkıtalin kırdı.
– Bügıngı praimeriz – būl ortaq jeŋısımız. Sebebı armanymyz bır – el men halyqqa qyzmet etu, memleketımızdı körkeitu. Pıkırsaiys barysynda türlı mäsele köterıldı, onyŋ şeşu joldary da aityldy. Mūnda «jüzden jüirık, myŋnan tūlpar» degendei eŋ üzdıgı anyqtaldy, - dedı partiianyŋ oblystyq filialynyŋ töraǧasy, oblys äkımı Oŋdasyn Orazalin.
Konfereniiada oblystyq mäslihatqa 50 adamnan tūratyn partiialyq tızım bekıtıldı. Onyŋ ışınde äielderdıŋ ülesı 9 paiyzdan 30 paiyzǧa deiın, al 35 jasqa deiıngı jastar - 20 paiyzǧa artty. Qazırgı qyzmet etıp otyrǧan mäslihattyŋ qūramymen salystyrǧanda ortaşa jas 6 jasqa, iaǧni 52-den 46 jasqa deiın jasardy.
Tızımdegılerdıŋ 41 paiyzyn şaǧyn jäne orta biznes ökılderı qūrady. Al bılım beru salasy 13 paiyz, kvazimemlekettık sektor– 8 paiyz. Sondai-aq, konferensiiada oblystyq sailaualdy baǧdarlama bekıtılıp, partiianyŋ kezekten tys XX Sezıne delegattar sailandy.
Aita ketu kerek, oblys boiynşa praimerizdıŋ bırınşı kezeŋıne 460 ümıtker qatysty. Onyŋ 36,7 paiyzyn – äielder, 28 paiyzyn – 35 jasqa deiıngı jastar qūrady. Kandidattardyŋ 50,4 paiyzy bastauyş partiia ūiymdarynan ūsynylsa, al 49,6 paiyzy – özın-özı ūsynuşylar. Dauys beruge 28,6 myŋnan astam partiia müşesı qatysty.
