2021 jyldyń qańtarynan bastap Qazaqstandaǵy bilim berý uıymdarynyń barlyǵy "Bultty býhgalterııa men qarjy" júıesine kóshýdi bastaıdy, - dep habarlaıdy “Adyrna” ulttyq portaly Bilim jáne ǵylym mınıstri Ashat AIMAǴAMBETOVTIŃ Facebook paraqshasyna silteme jasap.
Mınıstr jańa júıeniń qajettiligi jóninde: “Jańa júıeni engizýdegi maqsat – kópshilik úshin bilim salasyndaǵy qarjylandyrýdyń ashyqtyǵyn jáne tıimdiligin baqylaýdy qamtamasyz etý. Býhgalterııany, kadrlardy, esepke alý men bıýdjetti josparlaýdy avtomattandyrý sybaılas jemqorlyq táýekelderin aldyn alýǵa jáne qarjyny tıimdi paıdalanýdy arttyrýǵa jaǵdaı jasaıdy.
Iaǵnı mekteptiń bıýdjetine, onyń árbir jumsaǵan teńgesine qatysty aqparatqa bizdiń mınıstrlik, basqa quzyrly memlekettik organdar, jáne azamattyq qoǵam ókilderi qol jetkize alady.
Bul – mańyzdy bastama”,- deıdi.
Sondaı-aq mınıstr bilim berý salasyn qarjylandyrýdaǵy birqatar kemshilikterdi aıta kelip, ony : “Bilim berý salasyn qarjylandyrý jyldan jylǵa artyp keledi.
Árıne, onyń qanshalyqty jetkilikti nemese jetkiliksiz ekendigi týraly kóp aıtýǵa bolady. Alaıda, sol bólingen qarajatty tıimdi paıdalaný mańyzdyraq.
Taǵy bir máselege toqtalaıyn.
Kópshilik mektepterdi, balabaqshalar men kolledjderdi Bilim jáne ǵylym mınıstrligi respýblıkalyq bıýdjet esebinen qarjylandyrady dep esepteıdi. Odan bólek jalaqynyń ýaqytyly jáne durys eseptelýi, oqýlyqtardy satyp alý nemese bilim berý uıymdaryndaǵy jóndeý jumystaryn da mınıstrliktiń ózi tikeleı júrgizedi dep oılaıdy.
Biraq is júzinde olaı emes.
Zańǵa sáıkes bul jumys ákimdikterdiń quzyrynda.
Elimizde bilim berýdi basqarý organdarynyń sany 200-den asady, ıaǵnı, qarjylandyrý da sol qalalar, aýdandar men oblystardyń bıýdjetinen ótedi. Ákimshilendirý deńgeıi ártúrli ári kóp bolǵan soń olardy qadaǵalap otyrý óte qıyn.
Sondyqtan tipti oblystyq bilim basqarmalarynyń ózi kóp jaǵdaıda jalaqyny ýaqytyly tóleýge, oqýlyqtardy satyp alýǵa nemese mektep, kolledjderdi jóndeý jumystaryna qatysty problemalardy buqaralyq aqparat quraldaryna shyqqanda nemese shaǵymdar kelip túskerde bilip otyrady.
Bul múldem durys emes.
Ata-analar men muǵalimderge oryn alǵan problemalarǵa «kim jaýap beretini, nege bulaı bolǵany» emes, olqylyqtardyń oryn almaýy mańyzdy ǵoı.
Sondyqtan biz jan basyna qarjylandyrý mehanızmderin engizý jáne barlyq qarjylandyrý júıesin ıfrlandyrý boıynsha bastamany qolǵa aldyq”, - dep máseleni sheshýdiń jolyn usyndy.
Mınıstrdiń sózinshe, bul júıe Nur-Sultan qalasy men Pavlodar oblysyndaǵy bilim berý uıymdarynda pılottyq joba retinde aprobaııadan ótip, bilim basqarmalary men mektep basshylary oń baǵa bergen. Sondaı-aq alǵashqy nátıjesin de kórsetken: “Júrgizilgen pılottyq jobanyń nátıjesinde tek elordada bıýdjet qarajatynan birneshe mlrd. teńge únemdelip, bilim berý uıymdarynyń qarjylyq qyzmeti retteldi.
Býhgalterlik jáne salyq esebine alý barysynda buzýshylyqtar sany edáýir qysqaryp, shyǵyndar boıynsha táýekelder azaıdy.
Atalǵan joba jalaqyny durys eseptemeý, qarjylyq buzýshylyqtar, josparlaý, qarjylandyrý kezindegi sýbektıvızm sııaqty problemalardy sheshýge jáne bilim berý mekemeleriniń qarjylyq jaǵdaıyna jedel monıtorıng júrgizýge jaqsy múmkindik beredi.
Býhgalterııamen qosa bıýdjetti josparlaý, memlekettik satyp alý, tarıfıkaııalaý, jumysqa alý proesteri de avtomattandyrylady.
Bul – bilim salasyna baǵyttalǵan qarjyny ashyq ári tıimdi paıdalanýdy qoǵam bolyp qadaǵalaýǵa baǵyttalǵan taǵy bir qadam”.
Foto ashyq derekkózden alyndy
“Adyrna” ulttyq portaly
