Ózbekstannyń memlekettik mektepke deıingi bilim berý mekemelerinde qosymsha shet tili retinde qytaı tili oqytyla bastaýy múmkin. Dál osy másele Qytaıdyń Ózbekstandaǵy tótenshe jáne ókiletti elshisi zıan Ian men Ózbekstannyń mektepke deıingi bilim mınıstri Agrıppın Shın ótkizgen onlaın-kezdesýde talqylanǵan. Bul aqparatty Ózbekstannyń mektepke deıingi bilim mınıstrliginiń baspasóz qyzmeti habarlady.
Vedomstvo málimetinshe, 8 qarasha kúngi onlaın-kezdesý kezinde taraptar qytaı tili mamandarynyń biliktigin jaqsartý máselesine de toqtalǵan. Eki jaq sonymen birge Tashkenttegi ıfrlyq balabaqsha ashý pılottyq jobasynyń barysyn da sóz etken. Dıdaktıkalyq materıaldar men túrli oıyn jabdyqtaryn shyǵarý úshin ınvestıııa tartý qajettigi aıtylǵan.
Kezdesýge qatysýshylar balabaqshalarda bilim sapasyn arttyrý úshin Qytaıdyń Sýn ınlın atyndaǵy qormen áriptestik ornatý jaıyn da ortaǵa salǵan.
Ortalyq Azııa (OA) elderin arzan nesıe men ınvestıııamen qamtamasyz etetin Qytaı kóptegen bilim jobalaryn da qarjylandyrady. Mysaly, jyl saıyn 100-den astam ózbek stýdenti Qytaı ýnıversıtetteri usynǵan grantpen bilim alady.
Ózbekstan OA aımaǵynda alǵash bolyp joǵarǵy oqý oryndarynda qytaı tilin oqyta bastaǵan. 2005 jyly elde qytaı tili men mádenıetin nasıhattaıtyn alǵashqy Konfýıı ınstıtýty ashyldy dep jazady Azattyq tilshisi.
