Jaqyndaǵy bir suhbatynda reseılik saıasatker Vladımır Jırınovskıı Almatydaǵy Masanchı kóshesiniń ataýyn óziniń qurmetine aýystyrýdy armandaıtynyn aıtqan, sebebi, onyń jarty ómiri osy kóshedegi 79-úıde ótken eken. Onyń osy tilegin «Namys» jastar birlestiginiń belsendileri oryndady. Alaıda, kóshege emes, onyń esimi qaladaǵy basqa zatqa berildi dep habarlaıdy «Adyrna.kz» tilshisi zakon.kz-ke silteme jasap.
Jırınovskıı 1946 jyly 25 sáýirde Almaty qalasynda dúnıege kelgen. Masanchı kóshesindegi, 79 úıde turdy, 1964 jyly 3 shildede Qazaqstannan ketken. Vladımır Volfovıch óziniń suhbattary men kópshilik aldynda sóılegen sózinde Qazaqstan men qazaqstandyqtar týraly ekiushty málimdemeler jasaǵan edi. 2005 jyly Qazaqstannyń Syrtqy ister mınıstrligi LDPR lıderi Vladımır Jırınovskııdiń elge kelýin qajeti joq dep resmı habarlaǵan edi.
Alaıda, Jırınovskıı jaqynda bergen suhbatynda Almatyny saǵynǵanyn jáne óziniń esimin ózi týǵan qalada máńgi qaldyrǵysy keletinin aıtqan bolatyn. «Namys» jastar birlestiginiń belsendileri onyń tilegin oryndap, Masanchı, 79 meken-jaıyndaǵy úıdiń aýlasyndaǵy... qoqys jáshigine Jırınovskııdiń esimin berdi.
Jırınovskııdiń sýretimen shyqqan bannerdiń qoqys jáshiginde qansha ýaqytqa ilinip turatyny áli belgisiz, degenmen, osylaısha qoǵam nazaryn saıasatkerdiń málimdemelerine aýdarýdy jastar jón sanapty.
Dýman Amanjoluly,
«Adyrna» ulttyq portaly
Foto: ashyq derekkózden
