Būl turaly QR jūqpaly aurular boiynşa jetekşı mamany Dinagül Baeşeva Prezident janyndaǧy Ortalyq kommunikasiialar qyzmetınde ötken brifingte aitty, dep jazady baq.kz.
Koronavirus diagnozy qoiyldy degende şoşymau kerek. Sebebı, būl virus tūmau siiaqty tarap kettı, odan qorqudyŋ jönı joq. Dertten jazylyp şyǧu üşın tiıstı şaralardy oryndau qajet. Iаǧni, eŋ aldymen oqşaulanu, sanitarlyq-gigienalyq talaptardy oryndap, bölmenı jiı jeldetıp, dezinfeksiia jasap otyrsaŋyz, sonyŋ özı sızge ülken kömek bolady. Al, eger dene qyzuyŋyz köterılse, demek, sızdıŋ virusqa qarsy tūratyn küşıŋız bar degen söz. Alǧaşqy üş künde temperatura köterıluı mümkın. Dene qyzuyn aǧza kötere aluy üşın küş kerek, demek, dūrys tamaqtanu qajet. Rasionnyŋ närlı boluyn qadaǧalap otyryŋyz. Temperaturany elemei, özge de ıstermen ainalysuǧa bolmaidy, viruspen küresu jaiyn oilau kerek. Aurudy asqyndyryp almau jaǧyn oilasaŋyz, aman-esen jazylyp şyǧasyz, - dedı ol.Dinagül Baeşeva virus 60 jastan asqan adamdarǧa qauıptı ekenın eskerttı.
Äsırese, qosymşa sozylmaly aurulary bar adamdar, iaǧni jürek auruy, ökpe, bauyr, büirektyŋ sozylmaly auruly, artyq salmaq jäne qant diabetı bar adamdardyŋ densaulyǧyna mūqiiat bolu qajet. Būl aurudyŋ taǧy bır erekşelıgı – onyŋ közge körınbeitın klinikasy bary. Eger qandai da bır jaqynyŋyz nemese tanysyŋyz "bır apta boldy, entıkpe paida boldy, şarşap qalamyn" degen bolsa, mındettı türde därıger şaqyryŋyz. Qazır auyryp jatqan adam köp, qoŋyrau şalǧanda jedel järdem qyzmetıne bırden tüse almauyŋyz mümkın. Sonda da tüsınıstık tanytyp, qaita habarlasyŋyz nemese özıŋızdıŋ uchaskelık därıgerıŋızge auru belgılerın aityŋyz, - dedı ol.
Ūqsas jaŋalyqtar
