Qazaqstan sýy az tabıǵı kezeńge kirdi. Bul týraly QR Ekologııa, geologııa jáne tabıǵı resýrstar mınıstri Maǵzum Myrzaǵalıev aıtty, dep habarlaıdy «Adyrna» ulttyq portaly «QazAqparatqa» silteme jasap.
«Ózen basseınderi boıynsha júrgizilgen taldaýǵa sáıkes Qazaqstan sýy az tabıǵı kezeńge kirdi jáne 2019 jyly jalpy 83 shaqyrym tekshe metrge teń boldy. Aıta ketetin jaıt, sońǵy jyldary bul kórsetkish 90-100 shaqyrym tekshe metr deńgeıinde boldy. Osyǵan baılanysty, sýarmaly jerler boıynsha jaǵdaı qıyndady. Ásirese eldiń ońtústik oblystarynda qatty sezildi. Óıtkeni eldegi sýarmaly alqaptardyń 90 paıyzy osy jaqtarda ornalasqan. Al respýblıka boıynsha qoldanysqa alynatyn sýdyń 97 paıyzy ońtústik óńirge tıesili», - dedi ol Senat tóraǵasynyń orynbasary Asqar Shákirovtiń tóraǵalyǵymen ótip jatqan Úkimet saǵatynda. Onyń dereginshe, vegetaııalyq kezeńniń qorytyndysy boıynsha Almaty oblysynda ótken jyldarmen salystyrǵanda qar jamylǵysy 35 paıyz az boldy. Jambyl oblysynda sýlylyq ortasha kóp jyldyq derekterden 15-20 paıyz tómen tirkeldi. «Osyndaı problemalarmen biz Túrkistan jáne Qyzylorda oblystarynda tap boldyq. Alaıda, sý sharýashylyǵynyń qolaısyz jaǵdaıyna qaramastan, Memleket basshysy bul máselelerdi shekaralas elderdegi áriptesterimen kezdesý kezinde kótergendikten, sý berý jospary 90-100 paıyzǵa oryndaldy. Sonymen qatar, kollektorlyq-drenajdyq sýlardy qaıta paıdalaný praktıkasy júrgizildi», - dedi mınıstr.
Foto ashyq derekkózden alyndy
«Adyrna» ulttyq portaly
