«Aqjol» partııasy tez arada zardap shekken shaǵyn jáne orta bıznestiń nesıelerin 6% kóleminde qaıta qarjylandyrýdy bastaýdy jáne Joldaýdyń oryndalmaýyna kinálilerdi jazaǵa tartýdy talap etip, arnaıy depýtattyq saýal joldady dep habarlaıdy «Adyrna» ulttyq portaly partııanyń baspasóz qyzmetine silteme jasap.
Tıisti depýtattyq saýaldy búgin Májilis otyrysynda partııa tóraǵasy Azat Perýashev joldady. QR Premer mınıstriniń, QR Ulttyq bank tóraǵasy men Qarjy naryǵyn retteý jáne damytý agenttiginiń atyna jodanǵan saýalda partııa jetekshisi: «Prezıdent Q.Toqaev bıylǵy jyly 1 qyrkúıektegi halyqqa Joldaýynda «Ekonomıkanyń zardap shekken sektorlarynda shaǵyn jáne orta bıznestiń barlyq qoldanystaǵy nesıeleriniń jyldyq paıyzdyq mólsherlemelerin 6%-ǵa deıin memlekettik sýbsıdııalandyrý qamtamasyz etýdi» tapsyrdy. Prezıdent osy maqsattarǵa qosymsha 200 mlrd teńge bólinetinin, al sýbsıdııalandyrý baǵdarlamasynyń jalpy kólemi 800 mlrd teńgege deıin jetkiziletinin habarlady.
Bul tapsyrma kásipkerlik qaýymdastyq ortasynda qyzý talqyǵa tústi.
Bıylǵy jyldyń pandemııaǵa qarsy kúrespen birge, aýyr ekonomıkalyq daǵdarysqa aınalǵan jyl bolǵany eshkimge qupııa emes.
«Atameken» Ulttyq kásipkerler palatasynyń derekteri boıynsha pandemııa men onyń saldarynan 1 mln-nan astam kásipker, ıaǵnı tirkelgen bıznes sýbektileriniń 3/2 zardap shekti, tótenshe jaǵdaı men lokdaýn shekteýlerine baılanysty 430 myńnan astam kásipker óz qyzmetin toqtatty, olardyń basym bóligi áli kúnge deıin kásipterin qaıta iske qosa almaýda.
Kólik qyzmeti, saýda jáne qyzmet kórsetý salalary, tamaqtaný, qonaqúı bıznesi, jyljymaıtyn múlik operaııalary jáne basqalary úlken shyǵyndarǵa ushyrady.
Esterińizge sala keteıik, «Aqjol» demokratııalyq partııasynyń frakııasy bıylǵy jyldyń naýryz aıynan bastap Úkimetke, Ulttyq Bankke jáne Qarjy naryǵyn retteý jáne damytý agenttigine nesıelerdi jaı ǵana keıinge qaldyrýdyń jetkiliksizdigi, sondaı-aq bankterdiń óz qalaýy boıynsha nesıelerdi shegindiretini týraly birneshe ret saýal qoıǵan bolatyn.
Biz nesıelerdi belgili merzimge uzartqanymen, qalǵan kezeńde jınaqtalǵan tólemderdi óteý qajettiliginiń týyndaıtynyn, bul bıznesti jeńildetýdiń ornyna olardyń boryshtyq júktemeleriniń kúrt ósýine alyp keletinin birneshe ret eskertken bolatynbyz.
Bıylǵy jyldyń 13 tamyzynda biz daǵdarysqa qarsy sharalar sheńberinde qabyldanǵan jańa tómendetilgen nesıelik mólsherlemeler boıynsha qoldanystaǵy nesıelerdi burynǵy boryshtyq júktemelerdi kóshirmeı qaıta qarjylandyrýdy usyndyq.
Sondyqtan biz Prezıdenttiń zardap shekken shaǵyn jáne orta bıznestiń barlyq nesıelerin 6% -ben qaıta qarjylandyrý týraly tapsyrmasyn asa mańyzdy jáne tıimdi shara retinde qabyldadyq.
Otandyq kásipkerler úshin burynǵy paıyzdyq mólsherlemelerdiń óte joǵary ekendigin jáne óndiristik aınalymnyń apatty túrde tómendeýin eskersek, qazirgi jaǵdaıda mundaı is-sharanyń óte ózekti máselelerdiń biri bolǵanyn batyl aıta alamyz.
Prezıdent Joldaýy jarııalanǵan kúnnen beri eki aı ótti.
Alaıda «Aqjol» demokratııalyq partııasyna barlyq óńirlerdiń kásipkerlerinen kelip túsken habarlarǵa súıensek, osy ýaqytqa deıin birde-bir oblysta nemese qalada mundaı qaıta qarjylandyrý bastalǵan joq.
Kóp jaǵdaıda bankterdiń fılıaldary banktiń bas keńselerinen tapsyrmalardyń joqtyǵyna silteme jasap, kásipkerlerdiń tıisti ótinishterin qabyldaýdan bas tartady.
Al ótinishter qabyldanǵan bankterde olar jaýapsyz jatýda.
«Damý» Qory men damý ınstıtýttary týraly eshteńe aıtqymyz da kelmeıdi, óıtkeni olar bul sheshimder boıynsha bank júıesine táýeldi.
«Aqjol» demokratııalyq partııasynyń frakııasy Memleket basshysy tapsyrmalarynyń bıýrokratııalyq áýre-sarsańǵa salynyp, myńdaǵan kásipkerler kúıreý aldynda turǵanyna, al kásipkerlerdi qoldaýǵa bólingen júzdegen mıllıardtardyń qozǵalyssyz qalýyna jol berilmeýi kerek dep sanaıdy.
Osyǵan baılanysty, biz Úkimetten, Ulttyq bankten jáne Qarjy naryǵyn retteý jáne damytý agenttiginen pandemııadan zardap shekken barlyq shaǵyn jáne orta bıznes nesıelerin shuǵyl túrde jáne kidirissiz 6%-ben qaıta qarjylandyrý sharalaryn bastaýdy suraımyz.
Biz, sondaı-aq, Prezıdent Joldaýynyń oryndalmaýyna, onyń toqtatylýyna jol bergen laýazymdy tulǵalardy anyqtaýdy jáne olardy jaýapkershilikke tartýdy suraımyz" dedi.
