Búgin, 29 qazan Parıj ýaqytymen saǵat tańǵy 9 shamasynda Franııanyń Nıa qalasynda 3 adam pyshaqpen qarýlanǵan qylmyskerdiń qolynan qaza tapty, - dep habarlaıdy «Adyrna» ulttyq portaly Euronews-ke silteme jasap.
Franııanyń Ulttyq terrorızmge qarsy prokýratýrasy Nıa qalasynyń Notr-Dam bazılıkasynda (hram – red.) jasalǵan shabýyldy tergeýde. Úsh adam, onyń ishinde bir áıel jáne shirkeýdiń ponomary pyshaqpen qarýlanǵan adamnyń qolynan qurban bolǵan. Terrorızmmen jáne qylmystyq terrorıstik uıymmen baılanysty kisi óltirýge oqtalý týraly is ashylǵan.
Nıa shegindegi eń úlken Rım-Katolık shirkeýi Notr-Dam bazılıkasy jan-Medsen aımaǵynda ornalasqan. Qaıǵyly oqıǵa beısenbi kúni tańerteńgi 9-da bolǵan. Kýágerlerdiń aıtýynsha, shabýylshy "Allahý akbar" dep aıqaılaǵan. Polıııa oǵan alty-jeti ret oq atqan. Franııanyń Ishki ister mınıstri Jerald Darmanen qalada polıııa áli de baqylaý jumystaryn júrgizip jatqanyn aıtty.
Nıa meri Krıstıan Estrozı bul oqıǵany terrorlyq shabýyl dep sanaıdy. Bul týraly ol óziniń tvıtterinde jazdy. Sondaı-aq, ákim kisi óltirgen kúdiktiniń ustalǵanyn habarlady. Jergilikti BAQ-tyń habarlaýynsha, onyń jaǵdaıy aýyr jáne aýrýhanaǵa jetkizilgen.
"Nıa, búkil Franııa sııaqty, tipti, Franııadaǵy basqa jerlerge qaraǵanda, búgin tym aýyr jaǵdaıǵa tap boldy, qaıtadan ıslam fashızminiń qurbanyna aınaldy", - degen Krıstıan Estrozı. – Qylmyskerdiń oqıǵa bolǵan jerde alǵashqy medıınalyq kómek kórsetken kezde de "Alla uly" sózin qaıtalaýdy toqtatpaýy kúmán týdyrady, - dep jalǵaǵan.
Qala bıligi Nıadaǵy barlyq ǵıbadathanalar jabylyp, beınebaqylaýǵa alynatynyn habarlady. Franııa IIM-nde daǵdarys shtaby qurylǵan. Prezıdent Emmanýel Makron Nıaǵa keter aldynda Úkimet múshelerin shuǵyl jınalysqa jınaǵan.
Parlament otyrysynda da jaǵdaı arnaıy talqylanǵan.
"Bul jańa shabýyl, men jaǵdaıdy tolyq, egjeı-tegjeıli bilmegendikten, tolyq aqparat bere almaımyn. Biraq, sózsiz, bul bizdiń elimiz ótip jatqan taǵy bir mańyzdy synaq", - degen Premer-mınıstr Jan Kasteks óz sózinde.
Depýtattar qaza bolǵandardy bir mınýt únsizdikpen eske alǵan. Polıııa qaza bolǵandardyń ekeýi sol jerde, al úshinshisi jan saqtamaq bolyp barǵan kórshi barda qaıtys bolǵanyn aıtady. Qurbandarynyń biri – áıel. Qylmysker onyń basyn kesip alǵan.
Nıadaǵy shabýyldan shamamen eki saǵat ótken soń eldiń ońtústik-shyǵysyndaǵy Avınonda taǵy bir beıtanys adam pyshaqpen «Allah Akbar» dep aıqaılap, polıııa qyzmetkerlerin qorqytady. Ol tártip saqshylaryna shabýyl jasamaq bolǵanda, polıııa oǵan oq atqan. Shabýyl jasaǵan adam sol jerde kóz jumady.
Keıinirek Saýd Arabııasynda Djıddadaǵy Franııa konsýldyǵynyń kúzetshisine shabýyl jasalǵany belgili boldy. Dıplomatııalyq ókildiktiń qyzmetkeri jeńil jaraqattanǵan. Bul týraly Mekke provınııasynyń polıııasy habarlaǵan. Shabýylshy ustaldy.
Esterińizge sala ketsek, beısenbi, 29 qazan musylmandar Muhammed paıǵambardyń týǵan kúni – máýlit merekesin toılaıdy. Eki apta buryn Franııanyń Il-de-Frans metropolıtenindegi Konflan-Sent-Onorın qalasynda tarıh jáne geografııa pániniń muǵalimi sóz bostandyǵy sabaǵynda balalarǵa Muhammed paıǵambardyń karıkatýrasyn kórsetkeni úshin musylman azamattyń qolynan qaza tapqan bolatyn.
Foto ashyq derekkózden alyndy
«Adyrna» ulttyq portaly
