Oŋtüstık Koreiada «Qyz Jıbek» miuziklı onlain körsetıldı, dep habarlaidy «Adyrna» ūlttyq portaly «Habar 24» arnasyna sılteme jasap.
«Qyz Jıbektıŋ» körsetılımı Tegu qalasyndaǧy halyqaralyq miuziklder festivalı aiasynda ötken. Koronavirus pandemiiasyna bailanysty şetel teatrlarynyŋ ärtısterı būl joly Koreiaǧa kelgen joq. 9 şetel tuyndysyn festivaldıŋ internet-arnasynda körsettı. Al koreialyq 9 miuzikl sahnada qoiyldy. Alaida zaldaǧy oryndardyŋ tek jartysyna otyruǧa rūqsat etılıp, äleumettık araqaşyqtyq saqtalǧan. Jastar teatry osydan ekı jyl būryn Tegu qalasynda osy qoiylymyn körsetken bolatyn. Körermenderge būl miuzikl öte ūnap, ūiymdastyruşylar ony taǧy da körsetudı şeşken.
«Maǧan «Qyz Jıbek» miuziklı öte ūnady. Qazaqstan men Oŋtüstık Koreia halyqtarynyŋ jan tolǧanysy ūqsas dep oilaimyn. Keiıpkerler arasyndaǧy mahabbat sezımın jaqsy körsettı. Qasıretpen aiaqtalǧan oqiǧany körermenderge şeber jetkıze aldy. Qoiylymnyŋ jelısı koreialyqtarǧa ūnaidy»,- deidı Tegu qalasy halyqaralyq miuziklder festivalınıŋ atqaruşy direktory Pe Song Hiok.Aita keteiık, «Jastar» teatrynyŋ qoiylymyn ekı kün boiy Koreia tılındegı subtitrlermen köruge mümkındık bolǧan.
«Adyrna» ūlttyq portaly
