Meıirban jandar merekesi

2474
Adyrna.kz Telegram

25 qazan – áleýmettik qyzmet kórsetý salasy qyzmetkerleri kúni.

Áleýmettik qyzmetker – bul tek kásip ıesi ǵana emes, ózgeniń muń-muqtajyna beıjaı qaraı almaıtyn meıirban jan. Halyqty áleýmettik turǵydan jan-jaqty qorǵaý Úkimetimiz júrgizip otyrǵan syndarly saıasattyń basym baǵyttarynyń biri bolyp tabylady. Sondyqtan da, bizdiń elimizde qarttar men az qamtylǵan otbasylardy, múgedekter men balalardy qorǵaýdyń naqty júıesi qalyptasqan.

Áleýmettik qyzmet kórsetý salasy qyzmetkerleriniń kásibı merekesi qazan aıynyń sońǵy jeksenbisinde toılanatyn  kásibı merekelerdiń biri.  Bul mereke  2011 jyldan beri  atalyp keledi.

«Áleýmettik sala qyzmetkeri» desek, qoǵam ómirinde bolyp jatqan məselelerge atústi qaramaı, memleketimizdiń ərbir kómekke zərý jandaryna qol ushyn sozatyn adamdar kóz aldymyzǵa keledi. Búgingi tańda, taǵdyr taýqymetin tartqan, túrli jaǵdaılarǵa tap bolǵan nemese múmkindigi shekteýli jandardy kórgenimen, kómek kórsetýge qulyq tanyta qoımaıtyndar da barshylyq. Al, biz tilge tıek etkeli otyrǵan «əleýmettik salanyń» pushpaǵyn ılep júrgen qyzmetkerler bolsa, osyndaı jandarmen birge bite qaınasyp ómir súredi. Osyndaı kózge kórine bermes, qıyndyǵy kóp jumysty eńserip júrgen áleýmettik sala qyzmetkeriniń biri - Tańsyqbaeva Damıra Bazarbaıqyzy.

Damıra bul salaǵa 2003 jyly Qazaqstan-Reseı halyqaralyq ýnıversıtetinen ekonomıst dıplomyn alyp, jumys izdep kelip, kezdeısoq ornalasqan bolatyn. Jumysyn jaqsy kórip ketkeni sonsha, qazir basqa salany aıtsa, barmas ta edi... Sebebi munda ol múmkindigi shekteýli jandarǵa járdemaqylar tóleý boıynsha jumyspen aınalysady...  «Azamattarǵa arnalǵan úkimet» MK KEAQ  Almaty qalasy fılıaly Almaly aýdandyq Áleýmettik tólemderdi vedomstvoaralyq esepteý bóliminde qyzmet ete otyryp, kóptegen taǵdyrly jandarǵa qol ushyn beredi. Olardyń kúndelikti turmys-tirshiligine qolǵabys jasap, ómirine etene aralasady, qaıǵysymen bólisip, ońalyp ketýine yqpal jasaıdy.

   «Múmkindigi shekteýli jandardyń jyl saıynǵy tólemderin der kezinde tólenýine erekshe mán beremin. Qandaı da bir sebeppen keshigip qalýynyń aldyn alyp otyramyn. Aýdandaǵy 3587 qajettiligi bar jandarǵa, 608 múgedek balalardy tárbıeleýshilerge jáne 1-toptaǵy týǵannan   múgedektigi bar 141 adamnyń áleýmettik tólemderiniń ýaqtyly tólenýi meniń jaýapkershiligimde desem bolady. Olardyń árbiriniń ómirine osylaı aralasa otyryp, izgilikti ispen aınalysyp otyrǵanymdy sezinemin. Sol jumysymnan ózime qýat alamyn», - deıdi tájirıbeli maman Damıra Bazarbaıqyzy.

Ol Áleýmettik saladaǵy qajyrly eńbegi úshin Densaýlyq saqtaý mınıstrliginiń, «Áleýmettik eńbek salasynyń úzdigi» tósbelgisimen, salalyq mınıstrlikterdiń Qurmet gramotalarymen marapattalǵan. Ujymda qoǵamdyq jumystardyń belsendisi. Otbasynda súıikti jar, aıaýly ana. Joldasy Jasulan qorǵany, eki qulynshaǵy – Elnury men Daryny qos qanaty. Bos ýaqytynda kitap oqyp, tigin tigip, tabıǵatta serýendegendi jaqsy kóredi.

Meıirban jandar merekesi qarsańynda, osy salanyń sańlaqtarynyń biri   Damıra Bazarbaıqyzyna eńbeginiń jemisin, otbasynyń baqytyn tileımiz!

 

Iá, aqyl-esin joǵaltyp, quldyqqa salynǵandardy eline qaıtaratyn da, qujattaryn qaıta jasatatyn da, halyqtyń álsiz toptaryna kómektesetin de, naýqas adamnyń qoǵamǵa qaıta beıimdelýine jaǵdaı jasaıtyn da – osy áleýmettik jumys mamandary. Sondyqtan, tek mereke qarsańynda ǵana emes, eńbegin elep, nardyń júgindeı aýyr mindetti arqalap júrgen qyzmetkerler barlyq kezde  qurmetke laıyqty der edik.

"Elimizdegi mıllıondaǵan adamdardyń ómir súrý sapasy, olardyń áleýmettik kóńil-kúıi, erteńgi kúnge degen senimi áleýmettik qyzmetkerlerdiń kásibıligi men biliktiligine, joǵary jeke qasıetterine baılanysty... Shynynda da, áleýmettik qorǵaý salasynda kezdeısoq adamdar joq. Óıtkeni, bul kez-kelgenniń qolynan kele bermeıtin úlken psıhologııalyq jáne emoıonaldy qıyn jumys. Áleýmettik qyzmetkerler - óte meıirimdi jáne kómek kórsetýde jaqsy nıetterge ıe, jaýapkershiligi mol jandar. Men óz ujymymdaǵy osyndaı jandarǵa basymdy ıemin jáne olarmen maqtanamyn! Rasynda olar maqtanýǵa turarlyq jandar", - deıdi fılıal dırektory Danııar Qyryqbaev.

Biz de azamattardyń ál-aýqatyna qatysty kórinbeıtin maıdan jaýyngerlerin kásibı merekelerimen quttyqtaımyz!

Gúlvıra Asqar

"Adyrna" ulttyq portaly

 

Pikirler