Álemde ózbek tilinde 50 mln adam sóıleıdi. Muny Ózbekstan prezıdenti Shavkat Mırzııaev málimdedi, dep habarlaıdy "Adyrna" tilshisi.
Ózbek tiliniń merekesine baılanysty (1989 jyly 21 qazanda "Memlekettik til" týraly zań qabyldandy - red.) halqyna arnaǵan quttyqtaý sózinde:
"Qazirgi kezde álemde ózbek tildi sóılesýshiler sany 50 mıllıonǵa jýyq bolýy onyń álemdegi eń iri tilderdiń birine aınalyp otyrǵandyǵyn kórsetedi.
Shet elderdegi 65 joǵary oqý oryndarynda ózbek tili men ádebıeti zerttelýde jáne osy salada ǵylymı zertteýler júrgizetin sheteldik ǵalymdardyń sany ósýde," - dedi Shavkat Mırzıev. Quttyqtaý sózinde Aýǵanstannyń ózbek tiline resmı til mártebesi berilgendigi atalyp ótilip, sol úshin el basshylyǵyna shyn júrekten alǵys aıtatyndyǵyn jetkizdi.
Qazir Ózbekstan latyn ǵarpine tolyq kóshýdiń aldynda tur. Prezıdent Mırzııaevtiń ózbek tilin damytýǵa arnalǵan jańa jarlyǵyna sáıkes, 2030 jylǵa qaraı eldegi barlyq balabaqshalarynyń 80 paıyzy ózbek tilinde júrýi tıis. Buǵan qosa sheteldikterge arnalǵan ózbek tili baǵdarlamasy jasalǵan.
2021 jyldyń 1 sáýirinen bastap barlyq deńgeıdegi sheneýnikterdiń ózbek tili men ádebıeti bilimi tekserilip, arnaıy sertıfıkat beriletin boldy.
