«Alataý» dástúrli óner teatry óziniń kezekti 4 maýsymyn qazan aıynyń birinshi jeksenbisinde ótken ustazdar merekesine oraı «Ustaz – saǵan myń alǵys!» atty merekelik konertimen ashty.
Elimizde oryn alǵan indet jaǵdaıyna baılanysty Memleket basshysy Qasym-Jomart Toqaev myrza : "Jańa álemdegi eń qundy dúnıe sanalatyn bilimge jol ashatyn ustazdarǵa tabys tileımin. Pandemııa mektepter men joǵary oqý oryndaryndaǵy oqý jylynyń bastalýyna keri áserin tıgizdi. Biraq bul – ýaqytsha qubylys" – degen bolatyn. Sondaı-aq, álemdi jaılaǵan indet alǵa qoıǵan jospardyń iske asýyna kedergi jasap, óner oshaqtarynyń shyǵarmashylyq qyzmetine tosqaýyl boldy. Karantın kezinde kórermenmen baılanysyn úzip almaý úshin "Alataý" teatry «Onlaın efır» arqyly keleli kezdesýler men syr-suhbattar ótkizgen. Teatr – rııasyz taza, patsha kóńildi kórermenimen kezdesýdi asyǵa kútip, ol kúnge de jetti.
Maýsymashar merekelik konertte «Alataý» dástúrli óner teatr dırektorynyń damytý jónindegi orynbasary Baıadılov Halel Ońǵaruly quttyqtaý sóz sóılep, ustazdar qaýymnyń eren eńbeginiń baǵasy ólsheýsiz ekenin aıta ketip, otbasylaryna amandyq tiledi.
Merekelik shara «Alataý» folklorlyq-etnografııalyq ansambliniń oryndaýyndaǵy Orynbaı Dúısenovtyń «Qulager» kúıimen bastaý aldy.
Teatr ánshileri ansambldiń súıemeldeýimen halyq ánderin shyrqap, halyq kompozıtorlarynyń ánderinde oryndady. QR eńbek sińirgen qaıratkeri Perızat Omarbekovanyń jeke oryndaýynda «Aıjan qyz» bıin bılep, akterlar quramy Ǵafý Qaıyrbekovtyń «Ustazyma» óleńin oqydy. Sondaı-aq, «Alataý serileri» men «Úshqońyr» toby ustazdarǵa merekelik kóńil syılap, konertti jandandyra tústi.
Teatr sahnasy merekeli dýmanǵa bólenip, ónerpazdar qaýymy kórermenmen qýana qaýyshty.
Gúlvıra Asqarqyzy,
"Adyrna" ulttyq portaly
