Qyrǵyzstan prezıdenti Sooronbaı Jeenbekov prezıdenttik qyzmetinen ketti, dep habarlaıdy "Adyrna" tilshisi. Ol otstavkaǵa ketetini jaıly málimdemesin 15 qazanda ıaǵnı osydan birneshe saǵat buryn memleket basshysynyń resmı saıtynda jarııalady.
Jeenbekov úndeýinde "bılikke jabysyp" otyrmaıtynyn, "Qyrǵyzstan tarıhynda óz halqyna oq atqan, qan tókken prezıdent retinde qalǵysy kelmeıtinin, sondyqtan otstavkaǵa ketýge sheshim qabyldaǵanyn" jazdy. Onyń sózinshe, "Qyrǵyzstandaǵy beıbitshilik, tutastyq, halyqtyń birligi men tynyshtyǵy bárinen joǵary". Jeenbekov "jańa úkimet quramy bekitilse" de, "Bishkektegi áleýmettik-saıası jaǵdaı turaqsyz bolyp turǵanyn" aıtty.
"14 qazanda Jogorký Keńesh úkimet quramyn bekitti. Men taǵaıyndaýlar týraly tıisti jarlyqqa qol qoıdym. Biraq bul eldegi jaǵdaıdy rettegen joq. Ókinishke qaraı, agressııa basylmady, meniń tez arada otstavkaǵa ketýimdi talap etý áli jalǵasyp jatyr. Qazirgi jaǵdaı eki taraptyń qaqtyǵysyna jaqyndady. Bir jaǵynda – narazylar, ekinshi jaqta – quqyq qorǵaý organdary" dep jazylǵan Jeenbekovtiń málimdemesinde.
Jeenbekov eki tarapty arandaýǵa berilmeýge shaqyrdy.
"Áskerıler men mılıııalar memlekettik rezıdenııany qorǵaý úshin qarý qoldanýy tıis. Bul jaǵdaıda qan tógiletini anyq. Men eki tarapty da arandatýǵa jol bermeýge shaqyramyn" dedi ol.
Jeenbekov eldiń jańa taǵaıyndalǵan premer-mınıstri Sadyr Japarovty jáne basqa da saıasatkerlerdi óz jaqtastaryn Bishkekten áketip, el astanasynda tynysh ómirdi qalpyna keltirýge shaqyrdy.
