Covid-19: Eýropanyń biraz elinde jaǵdaı ýshyǵyp barady

2329
Adyrna.kz Telegram

Belgııa aýrýhanalarynyń Covid-19 aýrýyn emdeý bólimshelerinde 50%-dan astam oryn tolyp qaldy. Nıderlandy, Ýkraına men Germanııada vırýsqa shaldyǵýshylar rekordy jańardy, Franııa men Ulybrıtanııada asa qatań karantın erejeleri bar «qyzyl aımaqtar» paıda bolady. Bul týraly  VVS agenttigine silteme jasap, QazAqparat habarlady.

Izraıl bıligi elde qyrkúıektiń ortasynda qaıta engizilgen lokdaýn nátıje bergenin, ıaǵnı ınfekııanyń taralýy báseńdegenin habarlady.

Densaýlyq saqtaý mınıstrliginiń habarlaýynsha, sońǵy táýlikte elde Covid-19-dyń 4,1 myń jańa jaǵdaıy anyqtalǵan. Biraq úshinshi kún qatarynan kórsetkish tómendeýde. Izraılde pandemııa bastalǵaly beri koronavırýsqa shaldyǵý jaǵdaılarynyń jalpy sany 282 myńnan asady.

Eýrapada jaǵdaı nasharlap barady Germanııada sońǵy táýlikte tórt myń adamnan aýrý anyqtalǵan. Bul – sáýir aıynyń basynan bergi eń joǵarǵy táýliktik kórsetkish. Ótken sársenbide 16 adam kóz jumǵan. Bılik muny pandemııanyń ekinshi tolqynymen ǵana emes, qyrkúıekten beri elde testileý kóleminiń aıtarlyqtaı artýymen de baılanystyrady.

Ýkraına bıligi táýliktik rekordtyq kórsetkishti rastady. Sońǵy 24 saǵatta 5 397 adam aýrýǵa shalyqqan.

Djons Hopkıns ýnıversıtetiniń málimeti boıynsha, elde koronavırýs juqtyrǵandardyń jalpy sany 252 myń adamdy quraıdy, 4800-i qaıtys bolǵan.

Beısenbi kúni Franııanyń bes qalasy, Lıll, Lıon, Grenobl, Sent-Eten jáne Týlýza joǵary qaýip aımaqtary bolyp jarııalandy. Atalǵan qalalardyń barlyǵynda ınfekııanyń taralý kórsetkishi 1000 adamǵa shaqqanda 250-den asqan. Jaqynda el prezıdenti Emmanýel Makron Franııanyń kóptegen aımaqtaryna da Parıj ben Marselde qoldanylyp jatqan qatań sharalardy engizý kerek dep málimdedi. Sońǵy táýlikte búkil el boıynsha reanımaııa bólimshelerine koronavırýs ınfekııasyn juqtyrǵan 143 naýqas tústi.

Nıderlandyda sońǵy 24 saǵat ishinde bes myńǵa jýyq adamǵa Covid-19 dıagnozy qoıylǵan.

Italııada tótenshe jaǵdaı 2021 jylǵy qańtar aıyna deıin uzartyldy. Munda dalada da, ǵımarat ishinde de maska taǵý mindetteldi. Bul talap Italııanyń barlyq aımaǵyna qatysty.

Shveııanyń ınternattary men qarttar úıinde jaǵdaı kúrt nasharlap ketti.

Eske sala keteıik, Shveııa – pandemııamen kúresý úshin karantın engizbegen sanaýly elderdiń biri. Djons Hopkıns Ýnıversıtetiniń málimeti boıynsha, elde 96,7 myńǵa jýyq adam koronavırýspen aýyryp, 5 892 adam qaıtys boldy.

Pikirler