Sifrlyq damu, innovasiialar jäne aeroǧaryş önerkäsıbı ministrlıgı men Densaulyq saqtau ministrlıgı koronavirus infeksiiasynyŋ taraluyn baqylau jäne jūqtyru oşaqtaryn uaqtyly oqşaulau maqsatynda «Saqbol» mobildı qosymşasyn ūsyndy. Būl turaly "Adyrna" tılşısı Sifrlyq damu ministrlıgı saityna sılteme jasap habarlaidy.
Qosymşa habarlama funksiiasyn ıske qosu arqyly COVID-19 virusy oŋ nätije (auru belgısı bar - red.) körsetken azamatqa soŋǧy 14 täulık boiy ekı metrden az qaşyqtyqta jäne 15 minuttan astam uaqyt ışınde qosymşanyŋ basqa paidalanuşylarymen bailanysy turaly jasyryn türde eskertuge mümkındık beredı.
Basqa qūrylǧylarmen özara ıs-qimyl jazbalaryn saqtau ülgısı şifrlanǧan bolady.
«Saqbol» qosymşasyn qoldanar kezde aldymen smartfonǧa jüktep, odan keiın şifrlanǧan derekter berıletın Bluetooth funksiiasyn qosu kerek. Qosymşa IOS jäne Android-ta qoljetımdı.
Baǧdat Musinnıŋ aituynşa, qosymşa azamattardy jūqtyru qaupı bar turaly uaqtyly habardar etuge jäne infeksiianyŋ taraluyn edäuır azaituǧa mümkındık beredı.
«Barlyq qazaqstandyqtardy osy qosymşany belsendı türde paidalanuǧa, mūqiiat jäne jauapty boluǧa şaqyramyn. Osylaişa, ındet oşaqtaryn barynşa oqşaulap, Covid-19-nyŋ taraluyna jol bermeimız. Bız halyq aldyndaǧy jauapkerşılıktı tüsınemız jäne barlyq jeke derekter qosymşada barynşa şifrlanǧan etıp jasadyq. Būl qosymşa paidalanuşylardyŋ basym türde jasyryn boluyn qamtamasyz etedı», - dep tüsındırdı Qazaqstan Respublikasynyŋ Sifrlyq damu, innovasiialar jäne aeroǧaryş önerkäsıbı ministrı Baǧdat Musin.
«Qosymşanyŋ jūmysy sol baǧdarlama ornatylǧan basqa qūrylǧylarmen bailanysta bolǧan adamdardy jasyryn türde ızdeuge baǧyttalǧan. Ony paidalanu üşın tırkeu qajet emes. Baǧdarlama jeke derekterdı nemese ornalasqan jer turaly derekterdı jinamaidy jäne jıbermeidı. Habarlandyrudy ıske qosqan kezde, baǧdarlama avtomatty jäne jasyryn türde būl turaly basqa paidalanuşylarǧa habarlaidy. Osylaişa, osy qosymşa azamattardyŋ saqtyǧyn arttyruǧa jäne jūqtyrǧan adamdarmen bailanysy turaly uaqytyly habardar etuge kömektesedı», - dep tolyqtyrdy Qazaqstan Respublikasynyŋ Densaulyq saqtau ministrı Aleksei Soi.
Habarlamany alǧan paidalanuşylar qosymşada Qazaqstan Respublikasy Densaulyq saqtau ministrlıgınıŋ būdan ärı ıs-qimyldary turaly ūsynymdarymen tanysa alady.
Būdan basqa, paidalanuşylarǧa yŋǧaily bolu maqsatynda qosymşaǧa özın-özı anyqtaudyŋ COVID-19, i-Doctor, i-Teka resmi bottary, sondai-aq Qazaqstan boiynşa COVID-19 özektı statistikasy siiaqty servister bırıktırılgen.
«Saqbol» qosymşasyn «Ūlttyq aqparattyq tehnologiialar» AQ äzırlegen.
"Adyrna" ūlttyq portaly
