2 qyrküiekte Nūr-Sūltanda "Nūr Otan" partiiasynyŋ praimerizıne qatysyp jatqan bırneşe adam ädıletsızdıkke şaǧymdanyp, qalalyq partiia filialyna bardy dep habarlaidy «Adyrna» ūlttyq portaly Azattyq radiosyna sılteme jasap.
Mügedek balalar problemasyn jiı köterıp jürgen belsendı Botagöz Sūltanovanyŋ Azattyqqa aituynşa, 1 qazanda praimeriz saitynyŋ künı boiy jūmys ıstemegenıne qaramastan keibır kandidattar jüzden myŋǧa deiın dauys jinaǧan.
- Eger keşe tünımen sait jūmys ıstemese olar qalai dauys jinaǧan? Älde olarǧa bölek "jasyl dälız" bölıngen be? Olai bolsa būl sirktıŋ ne keregı bar? – deidı ol.
Botagöz Sūltanovaǧa qosa "Nūr Otan" müşelerı Perneş Äbdukärımova men Adema Esembaeva da praimerizdegı ädıletsızdıkke şaǧymdanyp partiia filialyna bardy. Botagöz Sūltanova sol jerden özınıŋ Facebook jelısındegı paraqşasynda tıkelei efir jürgızdı. Onda belsendılermen "Nūr-Otan" partiiasynyŋ Nūr-Sūltan qalalyq filialy töraǧasynyŋ orynbasary Erlan Qanalimovtıŋ kezdeskenı körınedı. Ol jinalǧandarǧa aryz jazudy ūsynyp, oǧan ekı saǧat ışınde jauap beretınderın aitty.
- Bız bärımız bılımdı adamdarmyz. Bos sözben kez kelgendı kınälauǧa bolady. Dauys berıp jatqan tūrǧyndar emes, tek partiia müşelerı. Būl - olardyŋ qūqyǧy. Şaǧym jazyŋyzdar, ekı saǧat ışınde jauap beremız, - dedı ol şaǧymdanǧandarǧa.
Azattyq tılşısı "Nūr-Otan" qalalyq partiiasynyŋ baspasöz qyzmetıne habarlasqan edı. Ol jerdegıler daudan habarsyz bolyp şyqty. "Anyqtaimyz" degenmen, jauap bolmady.
Al şaǧymdanǧandarǧa "ekı saǧat ışınde jauap beremız" degen "Nūr-Otan" partiiasynyŋ qalalyq filialy basşylyǧy da keşke deiın jauap bermedı.
Bilıktegı "Nūr-Otan" partiiasy 1-3 qazan aralyǧynda ışkı partiialyq sailau – praimeriz aiasynda dauys beru ötkızıp jatyr. Praimerizde tek partiia müşelerı dauys bere alady. Partiia köp dauys ielengenderdı 2021 jyly ötetın Parlament mäjılıs pen jergılıktı mäslihat sailauyna ümıtkerler tızımıne engızuge uäde bergen.
Keibır sarapşylar "Nūr Otannyŋ" būl nauqanyn "qūrdymǧa ketken partiiany qūtqaru amaly" jäne "2021 jylǧy sailauǧa jasyryn ügıt-nasihat" dep sanaidy.
Praimeriz kezınde bırneşe mūǧalım Azattyqqa özderın praimerizde dauys beru üşın tırkeluge mäjbürlegenın aitqan. Partiia ökılı mūny joqqa şyǧarǧan.
Foto aşyq derekközden alyndy.
Ūqsas jaŋalyqtar
