Qyztaı Dúısebekova júzinshi kúzin juqpaly aýrýlar aýrýhanasynda dárigerlermen birge qarsy aldy. Eki ǵasyrdyń kýási bolǵan qart kisini medıına mamandary 100 jasqa tolǵan kúninde aýrýhanadan shyǵaryp saldy.
Qyztaı ájeı 7 qyrkúıek kúni Asar shaǵynaýdanyndaǵy juqpaly aýrýlar ortalyǵyna aýyr halde jedel járdem kóligimen jetkizilgen edi. Dárigerler naýqasqa ókpeniń kompıýterlik tomografııasyn jasap, ájeıdiń ókpe tininiń 55% zaqymdalǵany anyqtaldy. Buǵan qosa qart kisini asqazanyndaǵy jarasy mazalapty.
Dárigerler naýqasty bólimshege jatqyzyp, vırýsqa qarsy terapııalyq em júrgizdi. Sonyń nátıjesinde qart ana tolyǵymen aıyǵyp, dál týǵan kúninde aýrýhanadan úıine shyqty. Dárigerlerge alǵysyn bildirip, aq batasyn berdi.
“Túsken kezde jaǵdaıy aýyr bolatyn. Hattamaǵa sáıkes em júrgizdik. Qazir jaǵdaıy bir qalypty”, - dedi emdeýshi dárigeri Tilenshına Lázzat.
Shymkent qalasynyń densaýlyq saqtaý basqarmasy
