Jańa oqý jylynan bastap joǵary oqý oryndaryndaǵy qatań eseptegi qujattardyń 11 nysany alynyp tastaldy dep habarlaıdy «Adyrna» QR Bilim jáne ǵylym mınıstrligine silteme jasap.
Bul oqytýshylarǵa sabaqqa daıyndalýǵa jáne kásibı damýǵa kóbirek ýaqyt bólýge múmkindik beredi. Bul týraly vedomstvonyń Facebook-tegi resmı akkaýntynda tikeleı efırde kórsetilgen QR BǴM apparattyq keńesinde aıtyldy.
QR Bilim jáne ǵylym mınıstriniń tapsyrmasyna sáıkes normatıvtik qujattardy júrgizý boıynsha talaptar joǵary oqý oryndary oqytýshylarynyń «qaǵaz» júktemesin azaıtý maqsatynda tolyǵymen qaıta qaraldy.
«Keıbir joǵary oqý oryndarynda neshe túrli esep talap etiledi: kásiptik baǵdar týraly jýrnaldar, túlekterdiń jumysqa ornalasýy týraly anyqtamalar jáne t.b. Ne úshin? Bilim jáne ǵylym mınıstrligine ol qajet emes. Jumysqa ornalasqan túlekterdiń paıyzyn Zeınetaqy tóleý jónindegi memlekettik ortalyqtyń elektrondyq bazasy arqyly qaraımyz. Birqatar joǵary oqý orny sabaq josparyn qaǵaz túrinde suratady. Keıbir joǵary oqý oryndarynda oqytýshylardyń júktemesi onyń qansha stýdent ákelgenine baılanysty. Mundaıǵa jol berilmeýi kerek. Bul Bilim jáne ǵylym mınıstrliginiń talaptary deıdi eken. Sonymen qatar bıyldan bastap qosymsha birneshe baǵyt boıynsha eseptilikti joıdyq. Oqytýshylar ózderiniń tikeleı mindetterin oryndaýmen ǵana aınalysýy tıis. Bul máseleniń barlyǵyn joǵary oqý oryndary ózderi sheshedi», - dedi QR BǴM basshysy Ashat Aımaǵambetov keńes barysynda.
Esepterdi barynsha azaıtý jáne joǵary oqý oryndary oqytýshylaryn qaǵaz júktemeden bosatý úshin Qazaqstan Respýblıkasy Bilim jáne ǵylym mınıstriniń m.a. «Bilim berý uıymdary bilim berý qyzmetinde paıdalanatyn qatań eseptiliktegi qujattardyń nysanyn bekitý týraly» 2007 jylǵy 23 qazandaǵy № 502 buıryǵyna ózgerister engizildi. Bul sharalar joǵary oqý oryndarynyń oqytýshylaryn ózine tán emes fýnkııalardan bosatýǵa jáne joo-lardyń akademııalyq derbestigin keńeıtýge baǵyttalǵan.
QR BǴM buıryǵyna sáıkes, derekterdiń qaıtalanýyn boldyrmaý maqsatynda qaǵaz túrindegi synaq kitapshalary alynyp tastalǵan bolatyn. Qazirgi ýaqytta elimizdiń joǵary oqý oryndarynyń aqparattyq júıesinde stýdentterdiń, magıstranttar men doktoranttardyń búkil oqý kezeńi ishindegi oqý jetistikteriniń tarıhy júrgiziledi, ol transkrıpte kórsetiledi. Transkrıpt stýdenttiń suraýy boıynsha onyń kez kelgen oqý kezeńi úshin beriledi. 2021 jyly ózindik úlgidegi dıplomdardy engizý joǵary oqý oryndarynyń eseptiligin qysqartýǵa múmkindik beredi.
«Adyrna» ulttyq portaly
