Futboldan Qazaqstan ūlttyq qūramasynyŋ bas bapkerı Djon van ’t Ship Moldovadan jeŋılgennen keiın qyzmetınen ketu jospary joq ekenın aitty, dep habarlaidy "Adyrna" ūlttyq portaly TengriSport-qa sıltep.
Ūlttar ligasynyŋ alǧaşqy üş kezdesuınde Qazaqstan qūramasy jeŋıske jetpedı. Komanda Farer araldarymen teŋ oinap, keiın Slovakiia men Moldovadan jeŋıldı.
«Astana Arenada» ötken matchtan keiın bas bapkerge otstavkaǧa ketu turaly sūraq qoiyldy. Niderlandylyq maman şeşım qabyldau öz qūzyretınde emes ekenın aityp, jūmysyn jalǧastyruǧa niettı ekenın jetkızdı.
«Men otstavkaǧa ketudı josparlap otyrǧan joqpyn. Jūmysymdy jalǧastyramyn dep ümıttenemın. Bız bärımız bırge jeŋıldık. Endı aldaǧy oiyndarǧa jaqsyraq daiyndaluymyz kerek», – dedı Djon van ’t Ship.
Aita keteiık, 62 jastaǧy maman Qazaqstan qūramasynyŋ bas bapkerı qyzmetıne 7 tamyzda taǧaiyndalǧan. Ol būǧan deiın Grekiia men Armeniia ūlttyq qūramalaryn jattyqtyrǧan.
