Asqarbek Jaqsylyq Serıkbekūly- 1999 jyly säuır aiynyŋ 9-şy jūldyzynda ŞQO,Tarbaǧatai audany,Aqsuat auylynda düniege kelgen.Semei qalasyndaǧy Şäkärım atyndaǧy universitet tülegı.Respublikalyq Abai Qūnanbaev atyndaǧy stipendiia iegerı.Jyr müşäiralarynyŋ jeŋımpazy.
Ne dep öleŋ jazaiyn künım,saǧan?
Baqyt ızdep tüŋıler,tüŋılse adam...
Baqytsyzdar köp şyǧar,men-aq osy,
Ölsem ölıp keteiın bügın sodan!
Sen ketkesın,qūlazyp,küirep köŋıl,
Sūlu qyzǧa körmedım süi dep nebır!
Üilenbedım men saǧan,esesıne,
Esesıne süiudı üirettı ömır!
Şyrynyŋnan tatqanşa şırkın,senıŋ,
Tättı ūiqynyŋ būzdy ǧoi şyrqyn serıŋ!
Qaita ainalyp qūşpaidy,kuägermın,
Qarsy aldyŋda bır ret ırkılse kım?!
Men qadırın bılmeppın eşteŋenıŋ,
Sen eşqaşan kınämdı keşpe menıŋ!
Qanşama ret jürektı keudeŋdegı,
Qan jylatqan qalmasyn este öleŋım!
Bastap ketıp büldırdım bır ıstı oŋdy,
Sert,senımım
talpyndy,
tyrysty,
öldı!
Men süiuden QATELIK jıbergenmen,
Sen eşqaşan süimedıŋ,DŪRYS boldy!
******
Şattanyp külıp,şalqymai daǧy,
Süiudıŋ mynau,salty qaidaǧy!?
Säulemdı menıŋ suytyp aldy-au,
Sanamnyŋ sansyz salqyn oilary!
Elestep öŋıŋ özıŋnıŋ beine,
Jazamyn öleŋ közımdı ılmei de.
Azabyn tartam aqyretıŋnıŋ,
Ǧajaby üşın sezımnıŋ keide..
Körkıŋe kerım kelısken müsın,
Köp sūludaǧy sen üstembısıŋ?!
Qalyqtap jürgen qiialymdaǧy
Perizatym-au,perıştem,qūsym!
Külkımdı menıŋ ysyrar qaiǧym,
Senı de qoldan ūşyrardaimyn.
Öŋmenen tüstıŋ bärın de bılıp
Özımdı ǧana tüsıne almaimyn!
"Senemın!
Kezdesuge sen kelesıŋ,
Bılmeimın,küdık basym mende nesın?!
Öŋımde körem senı,tüsımde emes,
Elesteitın bolmaidy endı elesıŋ!
Menı osy jalyqtyrǧan aŋsar mūŋnan
aryltasyŋ,
Şyǧasyŋ qarsy aldymnan!
Jaŋǧyryp jatyr mıne būltty aspan,
Men edım sen keldı dep jar saldyrǧan!
Şahardyŋ şamy sönıp köşelerden...
Kölıkter öte bersın neşe keruen!
Uaqyt öte bersın,küte berem,
Säulesı ümıtımnıŋ öşe körmen!
Tise de taǧdyrymnyŋ taiaǧy ūdai,
Kütemın taǧy taǧy...aia,Qūdai!
Men endı ǧaşyq adam emespın be,
Jasyq adam emespın baiaǧydai!"
Dep tūryp öz ışımnen,masairadym,
Köp tūryp küttım senı
Qoş,aimanym!
Kelmedıŋ!
Kezdestım de osy oilarmen,
Şyǧaryp saldy menı osy oilarym!
《Tüs》
Men syrlas bolǧanmyn özıŋmen,
Sezımnıŋ bolsa da semgenı.
Belgısız bır tünde köz ılgen,
Tüsıŋde körıpsıŋ sen menı..
Jüzık te taǧyppyz jaqūtty,
Üilenıp bır üidıŋ ışınde.
Öŋımde bolmaǧan baqytty,
Syiladyŋ sen maǧan tüsıŋde!
Osy üşın sezımmen mendegı,
Özıŋe gül alyp kelem be?
Jalǧyz-aq qolymnan kelgenı-
Jorytyp otyrmyn öleŋge..
Tyrysyp baqsam da baiqadym,
Bılemın paida joq ısımnen!
Äitse de alǧysymdy aitamyn,
Tüsıŋde körgenıŋ üşın men!
Özıŋe aqynyŋ jetse edı?
Öŋınde ony oilau mūŋ eken!
Osynau tüsıŋnen tek senı,
Oiatyp jıbergen kım eken?!
*****
"Ekeumızde aitylmaǧan ne qaldy?!"
Syŋǧyr külkıŋ-būlaq aitqan syr bolyp,
Syldyr sözdıŋ şamaly ettım keregın.
Senıŋ möldır közderıŋnen jyr bolyp,
Jer betıne jylap aqsam dep edım!
Qaiter ekem,qalam ūstar qoldardy?
Bır qūdyret körmedıŋ de bır menen!
Saǧan menı bastamaityn joldardy,
Jüregıŋe jalǧasam ba,jyrmenen?
Aiqai salyp Alataudan assam da,
Biıktıgın qaitem mynau eŋsenıŋ!?
Jer jahandy jalpaǧynan bassam da,
Jüregıŋe syimaimyn-au,men senıŋ?!
Qanşa mūŋnan öleŋ bolyp qaitty ese,
Ömır bızge üirenşıktı bop aldy!
Sen aitpadyŋ süiemın dep,äitpese,
Ekeumızde aitylmaǧan ne qaldy?
*****
...Tamsanǧan közdı taldyryp,
Köŋıldı bilep təttı ənmen.
Alqyzyl güldı taŋ qylyp,
Kelesıŋ Küzgı baqtarmen.
Ürlıgın köpke ülgı etken,
Qaiyŋnyŋ jetpei qoly da.
Japyraqtaryn qūrmetpen,
Jaiǧandai senıŋ jolyŋa!
Tylsymyn taǧy būzdyŋ ba?
Jylǧadan būlaq kep körıp.
Buyny bosap mūzdyŋ da,
Jylaǧan jandai kettı erıp.
Kördı me senı kökten keŋ,
Şaǧala-qazdar qaitpai jür.
Dəmelı mendei köktemnen,
Qanatty tılsız aitpai jür.
Alǧandai tartyp senı men,
Baqytsyz kündı tek körem.
Janym-au,sodan berı men,
Janaryn küzdıŋ jek körem!
*****
Syilamai şattyq dostar da,
Eŋsenı talai tüsırgen.
Toilarǧa baram,tosttarda
Jabyrqap,jylau üşın men!
Kütermın tündı taŋdarda,
Sen ǧana maǧan ömır me eŋ?
Barasyŋ basqa jandarǧa,
Kelmeitın maǧan köŋılmen!
Sezım be,sezım-jalǧan sol,
Tüsırsın taǧdyr ileuge!
Sertımde tūrmai qalǧan soŋ,
Sert berıp jürmın süimeuge!
Aqtarǧan talai syryŋdy,
Aiybym bolsa öşırıp,
Däpterıŋdegı jyrymdy,
Jüregıŋ alsyn köşırıp!
Köŋıldı solai...
kül!
aula!
Ezuler endı jiylmai.
Jolyǧar bolsaq,jylauǧa
Tamşy da qalsyn būiyrmai!
Sūrasa qūrbyŋ baiqaǧan,
Öleŋ ǧoi öleŋ,oi,şabyt!
Atymdy menıŋ ait oǧan-
Aqyn ǧoi,aqyn-dei salyp!
Esımnen talai tandyrdyŋ,
Erkıŋmen emes...
qalǧany-
tek qana senı taǧdyrdyŋ,
Qolymnan tartyp alǧany!
Jaqsylyq Asqarbek
