Kúz aılarynda keletin tumaýdyń aldyn alý úshin elimizde ekpe jasaý jumysy bastaldy. Ekpe jasatýdy ózi birinshi bolyp bastaǵan Densaýlyq mınıstri oı týraly aqparattyń taraǵanyna sanaýly saǵat ta ótpedi. Alaıda áleýmettik jelide mınıstrdiń ekpe alǵanyna da, ekpeniń ózine de jurt kúmán bildirip, kommentraııdi qarsha boratýda.
Facebook áleýmettik jelisindegi «Aıtarym bar!» tobynda oıdyń ekpe alǵany týraly aqparatty jarııalaǵanymyz sol edi, aınalasy jarty saǵatta top músheleriniń narazylyq pen yzaǵa toly pikirleri áli tolastar emes. Maqsatymyz áleýmettik jelidegi ár pikirge baǵa berý emes, osy jazbalardyń astaryna azdap bolsa da úńilý.
Á degennen oıdyń saýsaǵyna nazar burǵan Maıra IaRQYZY atty oqyrman: «Vakınany saýsaqtan sala ma? Sosyn. Aqshany dalaǵa shashpaı, aýyryp qalǵan adamdardy emdesin de. Erikpeı. Sosyn aýany búldirmesin»,- dep jazdy.
Al Dosjan APYShEVTIŃ oıynsha mınıstr SPID-ke qarsy analız tapsyrǵan kórinedi. Jazylǵan pikirlerdi bir súzip shyǵyp, túıgenimiz kópshiliktiń oıǵa da, ekpege de esh senimi joq eken. Biri «vıtamın saldyryp, jarnama jasaýda» dese, endi biri «Buǵan Eýropadan aldyrǵan ımportnyı qymbatynan salady, bizge Indııadan ákelgen arzan-qurzan birdeńe salady. Bólingen aqshany jeý kerek qoı» deıdi.
Qalaı desek te, pandemııa Qazaqstan halqy men bıliginiń arasyn burynǵysynan da asha túskeni shyndyq. Bildeı bir mekemeniń mınıstri halyqtyń aldyna shyǵyp tumaýǵa qarsy ekpeni ózi de alyp jatqanyn sýretimen shyǵarsa da, oǵan senetin adam joq sııaqty. Ekpeniń quramyna da, mınıstrdiń rasymen vakına jasatqanyna da budan bylaı halyqty sendirý ońaı bolmaıdy aý. Bul senimsizdik keshe búgin qalyptaspady. Senimsizdik shırek ǵasyrdan asqan sońǵy jyldary qalyptasty. Ókinishti, árıne.
Merýert HÝSAINOVA,
«Adyrna» ulttyq portaly.
Foto Densaýlyq saqtaý mınıstrliginiń resmı saıtynan alyndy.
