EEK otyrysynda Eýrazııalyq ekonomıkalyq ıntegraııany damytýdyń jobasy talqylandy

337

2020 jylǵy 11 qyrkúıekte QR Premer-Mınıstriniń birinshi orynbasary Á. Smaıylov telekópir rejıminde Eýrazııalyq ekonomıkalyq komıssııa Keńesiniń kezekti otyrysyna qatysty. Bul týraly "Adyrna" tilshisi primeminister.kz baspasóz qyzmetine silteme jasap habarlaıdy.

EEK Keńesiniń músheleri ishki naryqtardyń jumys isteýi, kedendik jáne tehnıkalyq retteý, ónerkásip jáne taýarlardy tańbalaý máselelerin qarastyrdy. Qaralǵan máselelerdiń ishindegi eń mańyzdysy Eýrazııalyq ekonomıkalyq ıntegraııany damytýdyń 2025 jylǵa deıingi strategııalyq baǵyttarynyń jobasyn talqylaý boldy.

Máseleni talqylaý qorytyndysy boıynsha Qazaqstannyń kóptegen usynystary kelisildi. Eń qaǵıdatty ustanymdardy memleket basshylary bıyl jeltoqsan aıynda qaraýdy josparlap otyr. Taraptar búginde ázirlenip jatqan Memlekettik satyp alý maqsattary úshin taýarlardyń shyǵarylǵan elin rastaý qaǵıdalarynyń jobalary jáne Eýrazııalyq ónerkásiptik ónim tizilimin júrgizý qaǵıdalary máseleleri boıynsha pikir almasty.

Bul qujattar memlekettik satyp alýǵa qol jetkizý sharttaryna áser etý turǵysynan óte yqpaldy. Tıisti erejeler bıyl jeltoqsan aıynda EÚAK kezekti otyrysynda bekitiledi dep kózdelgen. Buǵan qosa ózara saýdadaǵy kedergilerdi joıý máselesi qyzý talqylandy. Sonymen qatar memlekettik satyp alýǵa qoljetimdilikti shekteý máseleleri qaraldy.

EEK Keńesiniń kezekti otyrysy 2020 jylǵy 18 qyrkúıekke josparlanǵan.

"Adyrna" ulttyq portaly

Pikirler
Redakııa tańdaýy