Boksshy Aıda Satybaldınova Qazaqstan áıelder quramasynda qyzdar dástúrli emes seksýaldy qarym-qatynasta bolyp júrgenderin jasyrmady, dep habarlaıdy “Adyrna” ulttyq portaly.
Aıda Satybaldınova óz Instagram jelisinde vıdeo-úndeý jasap, ulttyq qurama sapyndaǵy boksshy qyzdardyń dástúrli emes seksýaldy qarym-qatynasty ustanatynyn jaıyp saldy. Bul sumdyqty bapkerlerdiń ózderi shákirt mıyna sanaly túrde úıretip jatqanyn tilge tıek etti.
«Bapkerler de, basshylar da munyń bárin biledi. Biraq, bárine kóz juma qaraıdy», degen Aıda Satybaldınova áıelder quramasyndaǵy jaǵdaıdy túsindirdi.
Aıdanyń aıtýynsha, ár bapkerdiń qalaýy shákirtiń Olımpıada oıyndarynyń jeńimpazy atandyrý. Alaıda, qyzdardyń ómiri ózgerip ketýi 1-aq mınýt. “Turmysqa shyǵamyn nemese aıaǵym aýyr” dep boksty tastap ketedi. Sol sebepti bapkerler osyndaı amaldardy qoldanyp jatyr.
«Bul bapkerler úshin tıimdi emes. Qansha jyl shákirti úshin baryn salady, al olar boksty tastap kete barady. Sol úshin boksshy qyzdardy sportta ustap qalý úshin, jattyǵý kezinde, jarys kezinde bir-birin jaqsy kórip qalýy úshin barynsha yntalandyrady, sonyń jolyn qarastyrady.
Árıne, árkimniń jeke ómiri bar. Kimdi súıse de, árkim ózi biledi. Biraq, men mundaıdy óskeleń urpaqtyń boıyna sanaly túrde sińirýge qarsymyn. Biraq osylaı bolyp jatyr. Menińshe, buǵan eń aldymen bapkerler kináli. Olar shákirtterine durys ıdeologııa júrgizýi kerek. Biraq olar bas paıdasy úshin osyndaı áreketke baryp otyr. Olardy qyzdardyń bolashaǵy, aldaǵy taǵdyry alańdatyp otyrǵan joq», - deıdi boksshy.
”Adyrna” ulttyq portaly
