İlon Riv Mask - milliarder, SpaceX, Tesla Motors kompaniialarynyŋ negızın qalauşy.Bolaşaq injener 9 jasynda
baǧdarlamalau tılderın üirenıp, 12 jasynda özınıŋ video oiynyn oilap tapqan. Ol bırden bai adamdardyŋ tızımıne enbegenın, tabysqa jetu jolynda qara jūmys jasaǧanyn ünemı aityp jüredı. «Adyrna» ūlttyq portaly nazarlaryŋyzǧa qazandyq tazalauşydan milliarderge deiın köterılgen käsıpkerdıŋ negızgı ūstanymdaryn ūsynady.
Özgerıs öz qolyŋyzda
- Jetıstıkke öz-özıŋızdı tärbieleu arqyly jete alasyz. Men jasöspırım kezımde ensiklopediiany köp oqydym, al köptegen qūrdastarym oiyn-sauyqty jaqsy kördı. Äleumettık jelılerde altyn uaqytyŋyzdy bos ötkızbei, ızdenıŋız.
Jarnamaǧa emes, sapaǧa köŋıl bölıŋız
Masktyŋ aituynşa, biznestı damytudyŋ basty baǧyty önımdı jaqsartuǧa baǧyttaluy kerek. Aqşany jarnamaǧa emes, tauardyŋ sapasyna salǧan dūrys. Sol kezde auzyŋyzdan şyqqan sözder nätijelı bolady. Jaqsy önım jarnamasyz-aq sūranysqa ie bolady.
Şarşaudy bılmeŋız
«Şarşau degen ūǧym joq. Eger sız armanyŋyzdy ia ideiaŋyzdy jüzege asyrǧyŋyz kelse, barlyq küşıŋızdı jūmsaŋyz. Aitpaqşy, sätsızdıkke de daiyn bolyŋyz». Milliarder öz mümkındıgın tolyq paidalanyp, aptasyna 100 saǧat jūmys ısteidı.
Bäsekelestık turaly ūmytyŋyz
- Bäsekelesterıŋızge köp köŋıl böludıŋ qajetı joq. Küşıŋız pen energiiaŋyzdy sapaly jaŋa önım jasauǧa jūmsaǧanyŋyz dūrys.
Synǧa nazar audaru qajet
- Syndy tyŋdau maŋyzdy. Ol dūrys şeşımder qabyldauǧa jäne tabysqa jetuge kömektesedı.
Qamqor bolyŋyz
«Eger sız qyzmetkerlerıŋızge qamqor bolsaŋyz, olar da jūmysyn yntamen ısteidı» . Mask klientter men kömekşılerge otbasynyŋ bır müşesı retınde qarau kerek dep esepteidı.
Diana ASAN,
«Adyrna» ūlttyq portaly
