Eger Toqaevtyń sýretin 6 dollarǵa májbúrlep aldyrsa...

4407
Adyrna.kz Telegram

Túrkimenstannyń shyǵysyndaǵy Lebap ýálaıatynyń turǵyndary Prezıdent Gýrbangýly Berdimuhamedovtiń fotoportretterin satyp alýǵa májbúr.

Azatyqtyń osy óńirdegi tilshisi Azyq-túlik taýarlarynyń tapshylyǵyna tap bolǵan eldiń Farap aýdanynyń memlekettik dúkenderinde un men nan satylymda paıda bolǵanyn, al azyq- túlik alǵan adam Berdimuhamedovtiń sýretin de birge qosyp alýǵa májbúr ekenin aıtady. Sýrettiń ólshemi 50h35 santımetr, baǵasy 20 manattan turady (ortalyq banktiń resmı baǵamy boıynsha shamamen alty dollar, qara naryqtaǵy baǵamnan aıtarlyqtaı erekshelenedi).

Sýretti satyp alýdan bas tartýǵa eshkimde qaýqar joq. Óıtkeni, dúkenderde ishki qaýipsizdik jáne polıııa qyzmetkerleri jurtty jiti baqylaýda ustap tur. Al atyn aıtpaı, tilshiniń suraǵyna jaýap bergen túrkimen polıeıi bılik eger Berdimuhamedovtyń sýreti ár úıde bolsa, onda halyq "ony kóbirek jaqsy kóredi"dep sanaıtynyn aıtady.

Dál osyndaı jaǵdaı Qazaqstanda oryn alsa, qalaı bolar edi? Ózińiz tıyn sanap shamamen 4200 teńgege, ıaǵnı 10 dollarǵa  úıińizge tamaq satyp alyp tursyz delik. Dúkenshi Toqaevtyń sýretin qosyp eseptep, sizge 16 dollar, ıaǵnı 6720 teńge tóleýdi talap etse...

Dımash BEKTALY, jumyssyz: «Adam ózi ár nanynyń aqshasyn sanap, kúnin zorǵa kórip júrse, prezıdenttiń sýretin májbúrlep alǵyzý adamgershilik emes qoı! Bizdiń elde adam quqyqtary áldeqaıda durys saqtalady eken, túrkimen aǵaıynmen salystyrǵanda. Osyndaıda halqymen sanasatyn óz prezıdentimizdiń qadirin túsinesiń».

Áýelhan ShONJAN, zeınetker: «Basymdy kesip alsa da, satyp almas edim eshkimniń sýretin. Halqyn úlde men búldege orap tastap baryp, sýretimdi satyp al dese, oılanyp kórýge bolar edi. Al TMD elderindegi bir de bir prezıdenttiń sýreti tegin taratylsa da, qurmetke ıe bola almaıdy dep sanaımyn».

Láılá ALShYNBAI, dáriger: «Eger, zańmen bekitip, «alýǵa tıissiń» dese, amal joq qoı, alamyz ǵoı. Biraq shyn qurmetke laıyq bolsa, kez kelgen prezıdenttiń sýretin adamdar ózideri satyp alýǵa umtylar edi. Túrkimenstan prezıdenti sııaqty tamaqqa qosyp sýretin satý sol prezıdenttiń abyroıynyń qaı deńgeıde ekenin kórsetse kerek».

Merýert HÝSAINOVA,

«Adyrna» ulttyq portaly.

Foto ashyq derekkózden alyndy.

Pikirler