Ankara qalasynda ötken Türkı memleketterı ūiymynyŋ XIII sammitı aiasynda memleket jäne qoǧam qairatkerı, belgılı muzykant ärı diplomat Düisen Qorabaiūly Qaseiınov Älışer Nauai atyndaǧy «Türkı älemınıŋ bırlıgıne qosqan ülesı üşın» halyqaralyq syilyǧymen marapattaldy. Äigılı skripkaşy atalǧan marapattyŋ üşınşı iegerı atandy.
2021 jyly Özbekstan Prezidentı Şavkat Mirziioevtıŋ bastamasymen taǧaiyndalǧan būl halyqaralyq syilyq türkı halyqtarynyŋ mädeni mūrasyn jahandyq deŋgeide därıpteuge, sondai-aq olardyŋ arasyndaǧy ruhani jäne mädeni yntymaqtastyqty damytuǧa eleulı üles qosqan tūlǧalarǧa berıledı.
Syilyqtyŋ alǧaşqy laureaty retınde körnektı qyrǧyz jazuşysy Şyŋǧys Aitmatov ataldy. Oǧan marapat 2022 jyly, dünieden ötkennen keiın berıldı. Al 2025 jyly būl qūrmetke türık ǧalymy, Nobel syilyǧynyŋ laureaty Aziz Sandjar ie boldy.
Düisen Qaseiınov – türkı halyqtarynyŋ mädeni bailanysyn nyǧaituǧa bırneşe onjyldyq boiy eŋbek sıŋırıp kele jatqan körnektı mädeniet qairatkerı. Onyŋ türkı älemınıŋ önerı men ruhaniiatyn halyqaralyq deŋgeide tanytu jolyndaǧy qyzmetı köptegen maŋyzdy jobalar arqyly jüzege asty.
1989 jyly Qūrmanǧazy atyndaǧy Qazaq ūlttyq konservatoriiasynyŋ rektory qyzmetın atqarǧan kezeŋde «İnterorkestr-89» jobasyn ūiymdastyryp, Qazaqstan men Ortalyq Aziia elderınıŋ jas muzykanttaryn bır arnaǧa toǧystyrdy. Osy bastamadan keiın türkı halyqtarynyŋ dästürlı muzykasyn zertteu men nasihattauǧa arnalǧan ǧylymi konferensiialar, halyqaralyq festivalder jäne konserttık baǧdarlamalar tūraqty türde ötkızıle bastady.
Düisen Qaseiınovtıŋ TÜRKSOI halyqaralyq ūiymynyŋ Bas hatşysy retındegı qyzmetı türkı mädenietın älemdık keŋıstıkte tanytuǧa tyŋ serpın berdı. Onyŋ bastamasymen jüzege asqan auqymdy jobalardyŋ bırı – Nauryz merekesın halyqaralyq deŋgeide därıpteu boldy.
2009 jyldyŋ nauryz aiynda TÜRKSOI ūiymy Parijdegı IýNESKO ştab-päterınde türkı halyqtary önerpazdarynyŋ qatysuymen Nauryz merekesıne arnalǧan ülken mädeni şara ötkızdı. Būl bastama merekenıŋ halyqaralyq deŋgeide tanyluyna jol aşty. 2010 jylǧy 23 aqpanda BŪŪ Bas Assambleiasy 21 nauryzdy Halyqaralyq Nauryz künı dep jariialady.
Sol jyldyŋ nauryz aiynda TÜRKSOI ūiymy AQŞ-ta, BŪŪ Bas Assambleiasynyŋ zalynda tūŋǧyş ret Halyqaralyq Nauryz merekesın ūiymdastyrdy. Atalǧan bastamanyŋ joǧary deŋgeide ötuı nätijesınde 2015 jyly IýNESKO-da, al 2016 jyly Bırıkken Ūlttar Ūiymynda Nauryz künderı qaita ötkızıldı.
Osylaişa, Nauryz merekesı türkı halyqtarynyŋ ortaq meiramy şeŋberınen şyǧyp, älem halyqtaryn bırıktıretın halyqaralyq mädeni qūndylyq retınde keŋınen tanyla bastady.
Düisen Qaseiınovtıŋ bastamasymen jüzege asqan maŋyzdy jobalardyŋ qatarynda «Türkı älemınıŋ mädeni astanasy» baǧdarlamasy, Türkı älemınıŋ simfoniialyq orkestrın qūru jäne «Iýnus Emre» oratoriiasyn halyqaralyq sahnaǧa şyǧaru bar.
Sondai-aq 2009–2010 jyldary jetı memlekettıŋ solisterı men hor ärtısterı qatysqan «Körūǧly» operasynyŋ halyqaralyq qoiylymy tört elde sahnalanyp, körermenderdıŋ ülken qyzyǧuşylyǧyn tudyrdy. «Bırjan-Sara» operasynyŋ türık tılındegı nūsqasy Türkiia teatrlarynyŋ tūraqty repertuaryna ense, E. Rahmadievtıŋ «Alpamys» operasy Baku opera teatrynda qoiyldy.
Būdan bölek, Äzerbaijan, İran, Resei, Qazaqstan jäne Türıkmenstan teatr ūjymdarynyŋ qatysuymen Aqtau qalasynda Kaspii maŋy elderınıŋ teatr festivalı ūiymdastyryldy. Keiın būl mädeni şara dästürlı halyqaralyq festivalge ainaldy
