Dollar 460 teńgege deıin barýy múmkin be?

2220
Adyrna.kz Telegram

Dál qazirgi sátte dollar baǵasy teńgege shaqqanda 420. Aldaǵy ýaqytta dollar baǵasy sharyqtap 460 teńgege deıin barady degen sybystar júrip jatyr. Ulttyq valıýtamyz quldyrap, kún kóris jaǵdaıymyz nasharlap barady. Sarapshylar dollardyń ósýin álemde munaı baǵasynyń 30% tómendeýimen baılanysty degen bolatyn.Dollardyń qymbattaýy elimizdegi azyq-túlik, kıim-keshek, jyljymaly-jyljymaıtyn múlikterdiń qymbattaýyna aıtarlyqtaı áserin tıgizedi. Dollar baǵamynyń turaqsyzdyǵy men aldaǵy ýaqtytta qymbattaýy múmkin degen sybystar jaıynda ekonomıster ne deıdi?

Úkimet otyrysynda Erbolat Dosaev:

“Reseı munaıdy óndirý men tómendetý usynysyn qoldamady. Osyǵan baılanysty Saýd Arabııasy 8 naýryzda álemniń barlyq óńiri úshin óz munaıynyń baǵasyn tómendetý jáne munaı óndirý táýligine 9,7 barrelden 12 mıllıon barrelge deıin ulǵaıtýǵa daıyn ekeni týraly sheshimin habarlady.”-dedi.

Ulttyq ekonomıka mınıstri: Rýslan Dálenov: Búginde baǵa óte mańyzdy másele. Ony ekige bólýge bolady: azyq-túlik ónimderi jáne azyq-túlik ónimine jatpaıtyn taýarlar. Aýyl sharýashylyǵy mınıstrliginiń málimetinshe, azyq-túlik ónimderiniń kóbi-otandyq ónim. Jergilikti resýrstarǵa tirkelýi. Sondyqtan teńge baǵamynyń ózgerýine baılanysty baǵa ózgeris bolmaýy kerek. Basqa faktorlar, árıne, áser etýi múmkin. Biraq ishki resýrstarda óndiriletin taýarlarǵa baǵam shekeýli.”

Mahmut QAIRATULY, ekonomıst:

Dollar áli de qymbattaýy múmkin. Biraq 460-qa deıin barmaıdy. Dollarǵa degen suranystyń kúrtartýyna munaı baǵamynyń arzandaýy sebep. Dollardyń qymbattaýy azyq-túlik syndy suranysqa ıe taýarlardyń qymbattaýyna óz áserin tıgizeri anyq. Dollar baǵasy budan ary kóterilmese, túspeıtini anyq.

Gúldana SERMAHANOVA,  ekonomıst:

Dollar 460 teńgege deıin kóterilmese, 400-ge qaıta túsýi ekitalaı. Qazir jyljymaıtyn múlikterdiń qymbattaýyna áser etpese de, aldaǵy ýaqytta turǵyn úı baǵasynyń aspandap keteri anyq. Qaıta ósip-óspeý naryqqa baılanysty ekeni bárimizge málim. Aldaǵy ýaqytta birge kóre jatarmyz.

Rasymen de dollar baǵasy teńgege shaqqanda 460 teńgege qymbattasa kúnkóris qalaı bolmaq?  Elimizde óndiriletin  azyq-túlik pen taǵy da ózge kerekti zattardyń baǵasy qymbattamaı, burynǵy baǵasyn saqtap qalady degen senimdemiz.

 

 

Laýra TURSYNJAN,

“Adyrna” ulttyq prrtply

Pikirler