Eń tómengi zeınetaqy mólsherin ósirý jaıy Qarjy mınıstrligi "Ashyq NQA" portalyna ornalastyrǵan "2021-2023 jyldarǵa arnalǵan respýblıkalyq bıýdjet týraly" zań jobasynda qarastyrylǵan, dep habarlaıdy "Adyrna" tilshisi zakon.kz-ke silteme jasap.
Sonymen 2021 jylǵy 1 qańtardan bastap:
- jalaqynyń eń tómen mólsheri – 42 500 teńge;
- memlekettik bazalyq zeınetaqy tóleminiń eń tómen mólsheri –18 524 teńge;
- zeınetaqynyń eń tómen mólsheri – 42 272 teńge;
- járdemaqylardy jáne ózge de áleýmettik tólemderdi esepteý, sondaı-aq Qazaqstan Respýblıkasynyń zańnamasyna sáıkes aıyppul sankııalaryn, salyqtardy jáne basqa da tólemderdi qoldaný úshin aılyq eseptik kórsetkish – 2 917 teńge;
- bazalyq áleýmettik tólemderdiń mólsherlerin esepteý úshin eń tómen kúnkóris deńgeıiniń shamasy – 34 302 teńge bolyp belgilensin.
" Jasyna baılanysty zeınetaqy tólemderine jáne eńbek sińirgen jyldary úshin zeınetaqy tólemderine jumsalatyn qarajat 2021 jylǵy 1 qańtardan bastap olardyń mólsherlerin 7 proentke kóterý eskerile otyryp kózdelgen dep belgilensin", - delingen zań jobasynda.
Sonymen qatar 2021 jylǵy 1 qańtardan bastap áleýmettik medıınalyq saqtandyrý qoryna tóleýge jatatyn mindetti áleýmettik medıınalyq saqtandyrýǵa memleket jarnalarynyń mólsheri – memleket jarnalaryn esepteý obektisinen 1,6 proent dep belgilený usynylady.
Odan bólek, qujatta 2021 jylǵy 1 qańtardan bastap áskerı qyzmetshilerge (merzimdi qyzmettegi áskerı qyzmetshilerden basqa) jáne arnaýly memlekettik jáne quqyq qorǵaý organdarynyń, memlekettik feldegerlik qyzmettiń qyzmetkerlerine turǵynjaıdy kútip-ustaýǵa jáne kommýnaldyq qyzmetterge aqy tóleýge aqshalaı ótemaqynyń aılyq mólsheri 3 739 teńge somasynda belgilený jaıy da aıtylady.
Zań jobasy 2020 jyldyń 4 qyrkúıegine deıin qoǵamdyq talqyda bolady.
Aıta keteıik, qazirgi ýaqytta eń tómengi zeınetaqy mólsheri - 40 441 teńge.
"Adyrna" ulttyq portaly
