Byltyrǵy jyldyń shilde aıynda memleket basshysynyń ókimimen Arýjan Saıyn Qazaqstan Respýblıkasynyń Bala quqyqtary jónindegi ýákili qyzmetine taǵaıyndalǵan bolatyn. Alaıda, atalǵan orynǵa Arýjan hanym kelgeli bala quqyǵy qorǵalǵannan góri, taptalý oqıǵalary jıilep ketti.
«Balalardyń quqyǵyn qorǵaı almaı otyrǵan Arýjan Saın otstavkige ketsin!»-dedi zańger Aıgúl Orynbek. Bir apta ishinde birneshe bala zorlaý oqıǵasy bolǵanyn tilge tıek etken qoǵam belsendisi bala quqyǵyn qorǵaýshy ombýdsmen bolý, ınternette tapsyrma berdim dep post jazý emes, naqty iske kóshý. Balalardy qorǵaý úshin naqty ne jasalynyp jatyr? Qaı óńirde zorlyq-zombylyqtyń kóp ekeni týraly statıstıka jasalyp, esep bergenin kórmedim. Halyqtyń tilin bilmeıtin, túsinbeıtin adam balalardyń quqyǵyn qorǵaıdy dep oılamaımyn,-dep jazdy zańger. Halyqtyń tili degennen shyǵady. Arýjan hanym ne sebepti qazaqsha sóılemeıtinin de aıtqan bolatyn. Shamamen bir jyl buryn qazaq tiliniń onsha jaqsy emestigin, biraq kúndelikti jattyǵý jasaıtynyn aıtqan ol aqyr aıaǵynda ýaqyt kerek. Al oǵan qazir ýaqyt joq dep jaltarǵan edi. Balalar ombýdsmeniniń búldirshinderdiń quqyǵyn qorǵaýǵa da ýaqyty joq pa degen oıǵa kelemiz. Sebebi, statıstıka soǵan májbúrleıdi.
Elimizdiń bas prokýratýrasynyń málimetine súıensek, byltyrǵy jyly 154 jasóspirim qaskóılerdiń zulymdyq áreketiniń qurbany bolǵan. Bıyl nebári 6 aıdyń ishinde 125 balaǵa zorlyq-zombylyq kórsetý faktisi tirkelgen. Jyl sońyna deıin áli birneshe ýaqyt bar ekenin eskersek, kórsetilgen sandar ósip, antırekord ornaýy da múmkin. Beti aýlaq, árıne! Al, Arýjan hanymnyń atalǵan máseleden góri, bas aýrýy basqada sekildi. Birneshe kún buryn feısbýktegi paraqshasynda Almaty oblysyndaǵy №1 Balalar úıindegi balalardyń qarjysy jymqyrylǵany týraly jazypty. Arýjan hanym, jetimge qaraılasqan, olardyń muń-muńtajyn bólisken quptarlyq is qoı, árıne. Alaıda, balalar úıindegi qarjy máselesimen sol salanyń «qasapshylary» aınalysqany durys shyǵar...
Qarjy týraly kúni keshe bala quqyqtary jónindegi ýákil taǵy kóterdi. «533 mıllıon 630 myń teńge» jaıynda sóıleseıik, - dedi áleýmettik jelide. Bir jyl buryn jańa qyzmetine kirisken ol 2017-2019 jyldar aralyǵyndaǵy qarjylyq qujattardy kórip, eseńgirep qalǵan. Jazbasynda jarty mıllıardtan astam aqshanyń qaıda jumsalǵanyny jaıynda «jiliktep» beripti.
Oǵan jýrnalıst Gúlbaný Ábenova: Bir jyl buryn qoǵam belsendisin balalar ombýdsmeni retinde taǵaıyndaǵanda kóbi qýanyp edi. Al, sol ombýdsmen jyl boıy koll-ortalyqtardyń qarjysyn esepteýmen aınalysqan ba? Qysqasy, elimizge kásipker, halyqtyń nemese bıýdjettiń aqshasyn jınaýshy emes, balalardy bólip-jarmaı qorǵaıtyn ombýdsmen kerek,-dedi.
«Adyrna» ulttyq portaly
