Ándi súıseń menshe súı: mýzyka jaıly qyzyqty faktiler

4254
Adyrna.kz Telegram

Qulaqtan kirip boıdy alar,

Ásem án men tátti kúı.

Kóńilge túrli oı salar,

Ándi súıseń menshe súı.

Jaqsy án ómirińizge qanshalyqty áser etetinin bilesiz be? Shyn máninde, mýzyka álemdegi fızıkalyq júıege engen nárse. Mundaǵy árbir nota fızıka men matematıka zańdaryndaǵy usaq molekýlalar men atomdar ispettes. “Adyrna” ulttyq portaly sizdermen mýzyka týraly jáne onyń álemge áseri týraly qyzyqtarmen bólispek. Ómirinde eshqashan mýzyka tyńdamaǵan birde-bir adam joq dep senimmen aıta alamyz. Sonymen, nazarlaryńyzǵa mýzyka týraly siz bilmeıtin tańǵajaıyp faktilerdi usynamyz.

Mýzyka solǵan ósimdikterdi tirilte alady. Eger dınamıkterdi sola bastaǵan gúldiń janyna qoıyp, baıaý mýzyka qossańyz, gúl kóz aldyńyzda jaınaı bastaıdy.

 

 

 

 

 

 

Mýzyka estý qabileti nasharlaýynyń aldyn alady. Tájirıbe kórsetkendeı, mýzykanttar buryn-sońdy mýzykamen áýestenbegen adamdarǵa qaraǵanda jaqsy estıdi.

 

 

 

 

 

 

 

 

Mýzyka júrekti de emdeıdi. Paıentter úshin ınfarkt jáne operaııadan keıin densaýlyǵyn qalpyna keltirýge kómektesedi. Ǵylymda jaǵymdy mýzyka qan tamyrlary júıesin jaqsartýǵa yqpal etetindigin dáleldengen.

Jattyǵý kezinde mýzyka tyńdaý ónimdilikti 20% arttyrady. Munyń áserin dopıngpen salystyrýǵa da bolady.

Jıi mýzyka tyńdaıtyndar meıirimdi bolyp keledi eken. Psıhologııalyq eksperımenttiń nátıjesi boıynsha, súıikti ánderin únemi tyńdaıtyn adamdar kómek kórsetip, jaqsy ister jasaýǵa 5 ese beıim bolady.

Mýzyka este saqtaý, aqyl-oı qabiletin jaqsartady. Siz mýzykany neǵurlym kóp tyńdasańyz, nátıje soǵurlym jaqsy bolady.

Mýzyka aýyrsynýdy basyp, mazasyzdanýdy azaıtady.

Zertteýshilerdiń pikirinshe, jaǵymdy mýzykany tyńdaý taǵamnyń dámin 60% arttyrady eken. Kóptegen meıramhanalarda nege únemi áýen oınap turatyny belgili boldy. Bul da bir marketıngtik ádis ekenin baıqadyńyz ba?

Psıhologtar búı deıdi: mýzyka sizdiń kóńil-kúıińizdi jaqsartyp qana qoımaıdy, sonymen birge maqsattaryńyzǵa jetýge jáne ózińizge degen senimdilikti arttyrady.

Súıikti mýzykańyzdy tyńdaý jaýapsyz mahabbatty ótkerip, jańa qarym-qatynas ornatýǵa kómektesedi.

Tanymal ánshi Madonnanyń DNK-syn belgisiz bireýler qolǵa túsirmes úshin arnaıy qyzmetkerler jumys jasaıdy. Olar ánshi shyqqan ǵımaratty muqııat tekserip, Madonnanyń shashy ıa bolmasa denesiniń bir qyly qalyp ketpeýin qadaǵalaıdy. DNK-syn qolǵa túsirgenmen ne isteı qoıar deısiz ǵoı. Biraq, adamnan aıla artylǵan ba? Tehnologııa damyǵan zamanda adamzattan bárin de kútýge bolady.

Gıtara oılap tabý úshin aspapta oınaı bilýdiń qajeti joq. Gıtaranyń Telecaster and the Stratocaster modelderin oılap tapqan Leo Fenderdiń ózi bul aspapta oınaı almaǵan.

Anı Lorak «Ýtrennıaıa Zvezda-95» konkýrsy kezinde óz esimin ózgertkenin bilesiz be? Karolına Kýek tirkeýden ótý kezinde Karolına esimdi taǵy bir ánshiniń tirkelgenin bilip, birden óziniń laqap atyn ózgertedi.

Súıikti áýenińizdiń remıks nusqasy unamaı ma? Másele áýenniń durys óńdelmegeninde emes. Zertteýler kórsetkendeı, ánniń túpnusqasyn unatýymyz onyń sapasynan emes, túpnusqasyn aldymen tyńdaǵanymyz sebepti eken. Eger remıksti birinshi tyńdasańyz, onda remıksti qup kóretinińiz anyq.

 

Aıaýlym ÁBILDA,

“Adyrna” ulttyq portaly

Pikirler