Aǧam, Darhan Tūrsynjandy bügıngı merekesımen şyn jürekten qūttyqtai otyryp, oqyrmandarǧa osy qyzmetke jetu üşın aǧamnyŋ jürgen joldary men sol joldardaǧy qyzyqty oqiǧalardy nazarlaryŋyzǧa ūsynamyz.
Darhan osy ıstıŋ mamany bolu üşın ne ıstedı?
Bala kezden aǧamnyŋ eŋ aldymen äskeri qyzmetker boludy armandaǧany esımde. Arman jolynda maqsatyna jetu üşın türlı amaldar ıstep, naqty qadam jasai bıldı. Eŋ aldymen bala kezden jany sportqa jaqyn boldy. Küres üiırmelerıne baryp, jarystardan ünemı jüldemen oralatyn. Mektepte Alǧaşqy Äskeri Daiyndyq pänın asqan qyzyǧuşylyqpen oqyp, mekep vzvod komandirı men “Jas Ūlan” ūiymynyŋ prezidentı bolǧan.
Oiyn balasynan-şekara mamanyna deiın...
Aǧamnyŋ osy mamandyqty taŋdap, naqty qadamdar jasai bılgenı menı tänttı ettı. Oquǧa tüser aldynda tapsyratyn emtihanǧa sabaqtan bosai qalǧan kezde, uaqytty qūr jıbermei jügırıp, beltemırge tartylyp daiyndalatyn. Äskeri ömırge qyzyqqany sonşalyq aǧamnyŋ myltyqty şaşyp-jinaǧanyna köz ılespeitın. Oq atuda mergendıgımen de taŋqaldyrudan jalyqpady. Osylai nyq senımmen aǧam emtihan tapsyruǧa ketıp, sättı tapsyryp, özı armandaǧan oqu ornyna bılım aluǧa tüstı.
Süzgıden qaita süzılgendei boldym...
Emtihan tapsyruǧa barǧanda “Süzgıden qaita süzılgendei boldym”-degen edı. Oqudyŋ alǧaşqy kezderı aǧama barǧan kezde şarşaŋqy reŋmen şyǧatyn. Öŋı şarşap tūrǧanymen, közı ottai janyp tūratyn. Basynda kışkene qinalǧanyn aitatyn. Keiın üirenıp, sıŋısıp ketkenın özınen de baiqauşy edık. Bıraq, aǧam eşqaşan “Şarşadym” -dep aitpaityn. Armanyna bır taban jaqyn tūrǧan aǧama, eş närse de kedergı bolmady.
Äskeri adamnyŋ üidegı bolmysy qandai?
Üide köŋıldı, öte bauyrmal jan. Äskeri ömırdıŋ temırdei tärtıbıne boiy üirengen aǧamyzdyŋ sözın ekı qaitalatpauǧa tyrysamyz. Keide «Sender tynyş ūiyqtasyn dep jürmızǧoi, ūiyqtai berıŋder alaŋsyz» dep äzıldep qoiady. Būryn men de Alǧaşqy Äskeri Daiyndyq sabaǧynan jaŋa närse üirensem, aǧama habarlasyp öz jetıstıgımmen maqtanyp otyratynmyn. Älı de aǧam bärımızge qoldau körsetıp, ünemı janǧa jylu syilap otyrady.
Qyzmettıŋ alǧaşqy künderı
Biyl oquyn tämämdaǧan aǧamnyŋ qyzmet joly maŋǧaz dala-Maŋǧystau mekenınen bastaldy. Tuǧan auyly men ata-anasynan alysqa ketkenı janymyzǧa batqanymen, jyldar boiǧy armanynyŋ körınıs tapqanyna bärımız de quanyştymyz. Aǧam qazır qyzmette. Bailanysta künde bola bermeuıne bailanysty bügın meiramymen qūttyqtaudyŋ sätı tüspei tūr. Ata-anadan bastap, aǧaiyn-tuys, bauyrlary jürek jardy tılekterın bıldırıp, jyly lebızderın aituda.
Armanyŋyz äskeri oqu orny bolsa...
Eŋ aldymen tabandylyqty qajet etetın mamandyqtyŋ iesı bolu üşın 1 jyl ǧana daiyndalu azdyq etedı. Özıŋızge degen senımıŋız myqty bolyp, qiyndyqtarǧa moiymai, alǧa qarai qadam basuyŋyz kerek. Sportqa jaqyn bolyŋyz.
Eŋ bastysy-patriottyq sezımnıŋ basymdylyǧy. Öz elı men jerıne qyzmet etemın degen azamat qana şyŋǧa şyǧa alady. Al Darhannyŋ armany da osy edı. Otany üşın qasyq qany qalǧanşa eŋbek etkısı keletın azamattar köp bolsa eken!
Barlyq şekaraşylardy şyn jürekten merekemen qūttyqtaimyz!
Barlyq şekaraşylardy şyn jürekten merekemen qūttyqtaimyz!
Laura TŪRSYNJAN,
“Adyrna” ūlttyq portaly
