Belarýs elinde Lýkashenkoǵa qarsylyq mıtıngisi áli de jalǵasýda. Búgin Mınski zaýytynyń jumysshylarynyń aldyna shyqqan prezıdent qaıtadan saılaý ótpeıtinin málimdedi.
MZKT jumysshylarynyń "Ket!" dep aıqaılaǵan sózine, " Osydan soń "qysymmen bir nárse jasaıdy dep oılamańyzdar, men eshqashan ondaıǵa barmaımyn. Ólsem de, saılaý bolmaıdy. Sebebi, MZKT da, MAZ da, BELAZ (traktor zaýyttary - red.) da qalmaıdy, jarty jyl ishinde bári jabylady" dedi Lýkashenko.
Prezıdent óz ókilettigin azaıtýǵa daıyn ekenin de aıtty. Biraq ol kóshede emes, konstıtýııa arqyly júzege asý kerek dep esepteıdi.
Al Lýkashenkonyń saılaýdaǵy basty qarsylasy bolǵan Svetlana Tıhonovskaıa sherýge shyqqan halyqyna úndeý jasap, burynǵydaı beıbit ómirdi ornatý jolynda, álemdik qaýymdastyq moıyndaıtyn ádil saılaý ótkizý jolynda Ult kóshbasshysy bolýǵa daıyn ekendigin málimdedi. Ol qandaı jaǵdaıda da táýelsizdikten aırylmaýymyz kerek deıdi.
Belarýs halqynyń alǵashqy kúnderdegi ereýilininen júzdegen adam jaralanyp, túrmelerge qamalǵan. Ókinishke qaraı kisi ólimi de bolǵan. Bılik ereýilshilerdi nashaqorlar men qańǵybastar dep aıyptaǵan. Jaǵdaıdyń ýshyǵyp bara jatqanyn sezgen kúshtik qurylym ókilderi qazir halyqqa qarsy shyǵyp jatqan joq. Óz kezeginde halyq ta ereýilge asa mádenıettilikpen shyǵýda.
Bıliktiń habarlaýynsha, keshe Lýkashenkony qoldap 70 (kebir derekterde 30 myń - avt.) myń adam akııaǵa shyqty. Al oǵan qarsylar - 300 myńǵa deıin jetken.
El bolǵan soń daý-damaı bolmaı turmaıdy. Biraq, bizdi Aleksandr Lýkashenkonyń álgindegi "jarty jyl ishinde zaýyttardyń bári jabylady" degen sózi qatty oılandyrady. Sonda prezıdent zaýyttaryn halyqpen eregisip jappaq pa? Álde...
Janbolat Saryqasqa,
"Adyrna" ulttyq portaly
