Qytaıda Brazılııadan ımporttalǵan taýyq etinen Covid-19 anyqtaldy. Bul týraly inbusiness.kz Bloomberg agenttigine silteme jasap habarlady. Qazir bul eldiń keden qyzmetkerleri basqa elden ákelinetin taýarlardy tekserýde.
Taýyq etindegi vırýsty densaýlyq saqtaý qyzmetkerleri test ótkizý barysynda anyqtaǵan. Sodan keıin mamandar ónimdi ustaǵan adamdardy da tekseristen ótkizdi. Biraq olardyń eshqaısysy aýrýǵa shaldyqpaǵan. Al satylǵan et der ýaqytynda tabylyp, zararsyzdandyryldy.
Buǵan deıin Qytaıdyń basqa qalasynda Ekvadordan ákelingen asshaıannan qaýipti ınfekııa tabylǵan edi. Osyǵan baılanysty qazir eldiń keden qyzmeti barlyq azyq-túlik ónimderinen, ásirese teńiz ónimderi men etti arnaıy tekseristen ótkizip jatyr.
Eskere ketetin jaıt, shilde aıynan beri Qytaıdyń jeti qalasynda ónim qabynan Covid-19 anyqtalǵan bolatyn. Keı sarapshylardyń pikirinshe, azyq-túlik ónimderin salqyn jerde saqtaý vırýstyń uzaq tirshilik etýine septigin tıgizetin kórinedi.
"Adyrna" ulttyq portaly
