Ertisbaev: “Belarýstegi saılaý bizdegideı ashyq jáne taza ótýi tıis edi”

2154
Adyrna.kz Telegram

Qazaqstanda birazdan beri úndemeı júrgen bıliktiń burynǵy “bulbuly” Ermuhamet Ertisbaev kezinde Qazaqstannyń Belarýstegi elshisi bolǵan. Sol Ertisbaev YouTube-tegi “Talap” kanalyndaǵy onlaın-konferenııada Belarýstegi qazirgi jaǵdaıǵa qatysty óziniń kózqarasyn bildirgen eken, dep habarlaıdy “Adyrna” Dalanews.kz-ke silteme jasap.

Bul oraıda Ertisbaev Qazaqstan prezıdentiniń saılaýy qalaı ótkenin eske saldy. Sol tusta Qazaqstannyń Belarýstegi elshisi bolǵan Ertisbaev dál sol kúni Mınskidegi saılaý ýchaskesinde júrgen eken.
“Bizde bári ashyq jáne taza ótti. Dál solaı bolýy tıis edi. Júzdegen adam keldi daýys berýge. Bizdiń ýchaskemizde Toqaev 53,8% daýys jınady, Qosanovqa shamamen 39-40% adam daýys berdi. Bul keremet nátıje”, – dep bastady Ertisbaev.

Onyń sózinshe, Lýkashenkoǵa qýlyq jetispeı, ol ózine 80%-dan astam daýys “bergizdi”, solaısha ol qatelik jasap qoıdy.

– Eger Lýkashenko saılaýda 54-55% daýys alǵandaı bolyp, al halyq Tıhanovskaıaǵa 44-45% daýys berdi, degendeı nátıje jarııalanǵanda, Belarýs bulaısha kóterilmes edi. Sosyn Lýkashenko saılaýdan keıin barlyq kandıdattardy óz rezıdenııasyna qonaqqa shaqyrýy tıis edi. Pýtın sońǵy saılaýda sóıtti emes pe?

Barlyq kandıdattardy jınap aldy da, “davaıte, birge jumys isteıik” dedi. Óıtkeni dıalogqa shaqyrý degen ádistiń narazy pıǵyldy basatyn “qasıeti” bar. Sonda deımiz, halyqtyń 80% daýysyn alsa – olarǵa rezińke oq atýdyń qajeti bolar ma edi? Óz sózinde halyqty “ovy” dep, qoıǵa teńegeni de tym artyq boldy. Óte mańyzdy nárseler ǵoı munyń bári. Halyq degen narazylyq bildirýge qaqyly. Men Lýkashenkonyń kúsh qoldanyp jatqanyn qatelik dep sanaımyn. Halyq kóshege shyqsa – shyqsyn da, ereýilin jasap tura bersin. Bılikke ýzýrpaııa jasaý – qylmysqa jatady, – dedi Ertisbaev.

Dalanews.kz

Pikirler