Tamyzdyń 20 synan keıin elimizde arnaıy «Bilim» tarıfy qosylady. Baılanys salasyndaǵy memlekettik saıasat jáne ınfraqurylym departamentiniń dırektory Gúlnár Bókeeva tıimdi tarıfti elimizdiń barlyq uıaly baılanys operatory engizetinin málim etti.
"Muǵalim" nemese "oqýshynyń" qosylý sharttaryn bilim jáne ǵylym mınıstrligi anyqtaıdy. Bul másele áli pysyqtalýda. Oqytýshylar men oqýshylardyń shákirtterdiń tizimi berilýi múmkin", - deıdi Gúlnár Bókeeva.
«Bilim» taıftik jospary 380 otandyq bilim berý resýrstaryna lımıtsiz júıede jalǵanbaq. Iaǵnı, osy tarıfke qosylý arqyly aldaǵy jańa oqý jylynda qashyqtan oqytý máselesi sheshiledi.
«Bilim» tarıfiniń abonenttik tólemi aıyna 990 teńge. Demek, qashyqtan bilim alýdyń quny 990 teńge bolmaq. 2,6 mln oqýshy qashyqtan bilim alsa, kezekshi synyptar boıynsha 530 myń, shtatty rejımde157 myńnan astam bala bilim alady.
Endi eseptep qaraıyq, 990 teńgeni 2,6 mln oqýshyǵa kóbeıtińiz. Aıyna 2,5 mıllıard (!) teńge shyǵady.TV arqyly bilim alý da tegin bolmaıtynyn eskersek, bul degenińiz QR «Bilim týraly» zańynyń 8 baby, 2 tarmaǵyn belden basý emes pe?
«Memleket Qazaqstan Respýblıkasy azamattarynyń tegin mektepaldy, bastaýysh, negizgi orta, jalpy orta bilim alýyn, túlekterge bir mamandyq sheńberinde jumysshy biliktiligin nemese jumysshy biliktilikterin bere otyryp, tehnıkalyq jáne kásiptik bilim alýyn, sondaı-aq, áskerı, arnaýly oqý oryndarynda alynatyn bilimdi qospaǵanda, eger Qazaqstan Respýblıkasynyń azamaty osy deńgeılerdiń árqaısysynda birinshi ret bilim alatyn bolsa, memlekettik bilim berý tapsyrysyna sáıkes konkýrstyq negizde tegin tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilim alýyn qamtamasyz etedi» dep kórsetilgen atalǵan zańda.
Aıyna ár oqýshy 990 teńgeden tólep bilim alsa, tegin bilim degeni qaısysy bolmaq?
Sonymen qatar, bul rette muǵalimderdiń de «Bilim» tarıfine qosylatynyn esten shyǵarmaıyq. Sonda oqýshy men muǵalim aı saıyn qansha mıllıard teńgege bilim alady?
Merýert HÝSAINOVA,
«Adyrna» ulttyq portaly.
