Tamyzdyŋ 20 synan keiın elımızde arnaiy «Bılım» tarify qosylady. Bailanys salasyndaǧy memlekettık saiasat jäne infraqūrylym departamentınıŋ direktory Gülnär Bökeeva tiımdı tariftı elımızdıŋ barlyq ūialy bailanys operatory engızetının mälım ettı.
"Mūǧalım" nemese "oquşynyŋ" qosylu şarttaryn bılım jäne ǧylym ministrlıgı anyqtaidy. Būl mäsele älı pysyqtaluda. Oqytuşylar men oquşylardyŋ şäkırtterdıŋ tızımı berıluı mümkın", - deidı Gülnär Bökeeva.
«Bılım» taiftık jospary 380 otandyq bılım beru resurstaryna limitsız jüiede jalǧanbaq. Iаǧni, osy tarifke qosylu arqyly aldaǧy jaŋa oqu jylynda qaşyqtan oqytu mäselesı şeşıledı.
«Bılım» tarifınıŋ abonenttık tölemı aiyna 990 teŋge. Demek, qaşyqtan bılım aludyŋ qūny 990 teŋge bolmaq. 2,6 mln oquşy qaşyqtan bılım alsa, kezekşı synyptar boiynşa 530 myŋ, ştatty rejimde157 myŋnan astam bala bılım alady.
Endı eseptep qaraiyq, 990 teŋgenı 2,6 mln oquşyǧa köbeitıŋız. Aiyna 2,5 milliard (!) teŋge şyǧady.TV arqyly bılım alu da tegın bolmaitynyn eskersek, būl degenıŋız QR «Bılım turaly» zaŋynyŋ 8 baby, 2 tarmaǧyn belden basu emes pe?
«Memleket Qazaqstan Respublikasy azamattarynyŋ tegın mektepaldy, bastauyş, negızgı orta, jalpy orta bılım aluyn, tülekterge bır mamandyq şeŋberınde jūmysşy bılıktılıgın nemese jūmysşy bılıktılıkterın bere otyryp, tehnikalyq jäne käsıptık bılım aluyn, sondai-aq, äskeri, arnauly oqu oryndarynda alynatyn bılımdı qospaǧanda, eger Qazaqstan Respublikasynyŋ azamaty osy deŋgeilerdıŋ ärqaisysynda bırınşı ret bılım alatyn bolsa, memlekettık bılım beru tapsyrysyna säikes konkurstyq negızde tegın tehnikalyq jäne käsıptık, orta bılımnen keiıngı, joǧary jäne joǧary oqu ornynan keiıngı bılım aluyn qamtamasyz etedı» dep körsetılgen atalǧan zaŋda.
Aiyna är oquşy 990 teŋgeden tölep bılım alsa, tegın bılım degenı qaisysy bolmaq?
Sonymen qatar, būl rette mūǧalımderdıŋ de «Bılım» tarifıne qosylatynyn esten şyǧarmaiyq. Sonda oquşy men mūǧalım ai saiyn qanşa milliard teŋgege bılım alady?
Meruert HUSAİNOVA,
«Adyrna» ūlttyq portaly.
