Búgin Ǵanı Jaılaýovtyń týǵan kúni

614

Ǵanı Oljabaıuly Jaılaýov  1985 jyly 3 tamyzda  Qyzylorda oblysy Aral qalasynda dúnıege kelgen. Bokstan halyqaralyq sport sheberi, eki dúrkin Qazaqstan chempıony.

2009 jyly Azııa  qurlyǵynyń, 2010 jyly Stýdentter arasynda álem chempıony atandy. 2011 jylǵy álem chempıonatynyń qola júldegeri.

Álemdik dárejedegi bapker Nurlan Aqúrpekovten tálim alǵan Ǵanı Jaılaýov 2012 jyly Londonda ótken HHH jazǵy Olımpıadada óner kórsetip, júldege bir qadam jetpeı qaldy. Atap aıtqanda 1/32 fınalda Taıland boksshysy Saıl Ardıdi, 1/8 fınalda úndistandyq Djaı Bhagvandy utyp shırek fınalǵa joldama aldy. Shırek fınalda Kýbalyq Iasnıer Toledo Lopeske tap kelip, 11:19 esebimen ese jiberip aldy. 64 kelige deıingi salmaq dárejesinde óner kórsetken boksshy jartylaı kásipqoı boksta «Astana Arlans» komandasynyń sapynda da judyryqtasty.

Ǵanı Jaılaýov qazir bapker bolyp, shákirt tárbıeleýde.

Gúlvıra Asqar,

"Adyrna" ulttyq portaly

Pikirler