Anasy Kámıla – KSRO halyq ártisi Rıshat pen QazKSR halyq ártisi Músilim Abdýllınderdiń týǵan qaryndasy. Olar Múkim Abdýllınderdiń urpaqtary.
Qurmanǵazy atyndaǵy Almaty memlekettik konservatorııasynyń vokal fakýltetin bitirgen. (N.Sháripovanyń klasy). Álibek qazaqtyń opera jáne kameralyq ánshisi (tenor), KSRO jáne Qazaqstannyń halyq ártisi, Mıhaıl Glınka atyndaǵy búkilodaqtyq vokalıster baıqaýynyń laýreaty, Halyqaralyq konkýrstardyń laýreaty. vıkkaýda (1977 j., 2-shi syılyq) jáne Rıo-de-Janeıroda (1979 j.) Robert Shýman atyndaǵy syılyqtyń jáne Qazaqstan Respýblıkasy Tuńǵysh Prezıdentiniń Beıbitshilik pen progress úshin Memlekettik syılyǵynyń laýreaty.
Eńbek joly: Jambyl atyndaǵy Qazaq memlekettik fılarmonııasynyń solısti; Abaı atyndaǵy Qazaq memlekettik akademııalyq opera jáne balet teatrynyń opera solısti (1978 jyldan); Álibek Dinishev teatrynyń negizin qalaýshy jáne dırektory (1998 jyldan bastap); «Rannıla-Qazaqstan» AQ Basqarma tóraǵasy (2006 j. sáýir aıynan bastap). Ánshiniń repertýarynda qazaq, orys, batys eýropalyq operalar men romanstardyń bólikteri bar. Akademııalyq mýzykamen qatar Dinishev qazaqtyń halyq ánderin jáne keńes kompozıtorlarynyń ánderin oryndaıdy. «Parasat» ordenimen, medalmen marapattalǵan.
