Talǵar aýdanynyń ákimi Jolan Omarov qaıtys boldy

3370
Adyrna.kz Telegram

Talǵar aýdanynyń ákimi Jolan Omarov qaıtys boldy. Bul týraly belgili qalamger Janarbek Áshimjan óziniń Feısbýk paraqshasynda jazdy.

"Joly da,jaly da,jony da bólek Jolanym-aı... Arysym-aı... Batyrym-aı... Keıingi býynnyń ishinde oza shaýyp,eldiń kóshin bastaǵan sanaýly sańlaq ediń. Kegen-Raıymbek aýdanyn sátimen túletip,Talǵar halqyn da retimen qýantyp kele jatyr ediń ǵoı...
Senim men Úmittiń,jaýapkershilik pen nátıjeniń qadirin arttyrǵan,el-halyqtyń jaǵdaıynan basqa ýaıymyń joq edi. Naǵyz kemelińe kelgen shaǵyń edi,Jasaǵan bergen jan baýyrym-aı. Inim-aı!Ańqyldaǵan aqjúregim!Baldaǵy altyn semserim-aı!
... Neshe kúnnen beri júregim sýyldap júr edi. Duǵa tilep edim. "Jamandyqtyń aldyn jaqsy jańalyqtar alady" dep,kóńildi notalarmen nazardy basqa jaqqa burýǵa tyrysyp baǵyp edik... "Jolantaı,batyr ǵoı,bárin jeńip tik turyp ketse eken" dep Qudaı taǵaladan tilep edik.
Seni kórgen saıyn alqymyn áppaq saqaly japqan 80-90-daǵy alyp abyz qarııa kóz aldyma keletin edi.
Qos ókpeń eshqashan alqynbap edi ǵoı,alqynsa da eldik isterda ǵana alqynatyn edi ǵoı... Atyń óshkir qý indet. Irgemdi qıratyp ketkeniń-aı...
Kórmegen kósheńde Jaratqan Iem panasyna alsyn,jaryǵym. Iman nuryń peıishtiń tórinde shalqysyn. Qandaı qıyn... Memleketke kerek eń sapaly Azamattardyń biri ketti aramyzdan" degen jazba qaldyrǵan Janarbek Áshimjan.
Artynan "Búgin tańerteń aýdan ákimi Jolan Omarov pnevmonııadan qaıtys boldy. Jolan Ybyraıaqynuly 1979 jyly týǵan. Týystary men jaqyndaryna qaıǵyra kóńil aıtamyz", - dep aýdandyq ákimdik te habarlady.
"Adyrna" ulttyq portaly
Pikirler