Shymkent: Bas ımam Qurban aıt merekesin qalaı ótkizý kerektigin túsindirdi

1789

Shymkent  aqparattyq-kommýnıkaııalyq ortalyǵynda Qazaqstan musylmandary dinı basqarmasynyń Shymkent qalasy boıynsha bas ımamy Baqdáýlet Abdrahmanovtyń qatysýymen baspasóz brıfıngi ótti.

Bıyl qasıetti Qurban aıt merekesi 31 shilde men 1-2 tamyz kúnderine sáıkes kelip tur. Qurban shalý jaǵdaıy bar ár musylmanǵa ýájip amal.

- Eldegi engizilgen karantın jaǵdaıyna baılanysty Qurban aıt namazy oqylmaıdy, qasaphanalarda mal soıylmaıdy. Biraq, qurban shalýǵa nıetti azamattar qashyqtan qurban shala alady. Ol úshin azamattar QURBAN2020.MUFTYAT.KZ saıtyna 30 shildege deıin qurbandyq shalýǵa onlaın tapsyrys bere alady. Alaıda jergilikti ákimshilik pen sanıtarlyq epıdemıologtardyń ruqsatymen ǵana júzege asyrylady. Karantın talaptarynyń qatań túrde saqtalýy qadaǵalanady, - dedi bas ımam.

Aıta keterligi qurban shalǵan azamattar qurban etin úshke bólip, bir bóligin aǵaıyn-týys, kórshi-qolańǵa arnap aıttyq dastarhan jaıatyn.
Al qashyqtan qurbandyq shalynǵan kezde ettiń úshten biri shalǵan adamǵa berilmeı, túgeldeı áleýmettik az qamtylǵan jandarǵa, muqtaj otbasylarǵa úlestiriletin bolady.

Qazaqstan musylmandary dinı basqarmasy Qurban aıt merekesine oraı Qurban2020.kz saıtyn iske qosty.
Buǵan deıin elimizdegi epıdemıologııalyq ahýalǵa baılanysty qurban shalýǵa onlaın túrde tapsyrys beretin saıttyń ashylatyny týraly habarlanǵan bolatyn.
Qazaq jáne orys tilderinde qyzmet kórsetetin jańa saıttyń kómegimen el turǵyndary onlaın túrde qurbandyq malyn tańdap, tólem jasap, keıin qalasa foto jáne beıne esebin surata alady.
Sondaı-aq saıtta qurban shalýǵa qatysty Sharıǵat jáne pátýa bólimi mamandary daıyndaǵan suraq-jaýap ta bar.

Shymkent

Pikirler
Uqsas jańalyqtar