Shymkent qalasynda karantın kezindegi shekteý sharalarynyń engizilýine baılanysty tabysynan aıyrylǵan 100 504 azamatqa shilde aıyna 42 500 teńge mólsherinde birjolǵy tólem berildi. Qala boıynsha 105 821 turǵynnan ótinish kelip túsken. Bul týraly qalalyq jumyspen qamtý jáne áleýmettik qorǵaý basqarmasy basshysynyń orynbasary J.Ýtebaeva aqparattyq-kommýnıkaııalyq ortalyǵynda ótken brıfıngte málim etti.
Áleýmettik tólemdi kimder jáne qalaı alýǵa bolatyny týraly túsindirip ótken sala mamany búgingi tańda ótinish berý jeńildep, tólem alý tártibi ózgergenin aıtty.
«Ótinimderdi egov.kz – veb-portaly, 42500.enbek.kz portaly, telegram-bot-tar, Aitu messendjerindegi 42500.enbek.kz qosymshasy jáne de ekinshi deńgeıdegi bankterdiń mobıldi qosymshalary men ınternet-resýrstary arqyly berýge bolady. Birjolǵy tólem jalaqysy saqtalmaıtyn demalysta júrgen qyzmetkerlerge, jeke kásipkerlerge, jeke praktıkamen aınalysatyn adamdarǵa, nysanasy jumystardy oryndaý (qyzmetter kórsetý) bolyp tabylatyn azamattyq-quqyqtyq sıpattaǵy sharttar boıynsha tabys tabatyn jeke tulǵalarǵa, biryńǵaı jıyntyq tólemdi tóleýshiler bolyp tabylatyn jeke tulǵalarǵa beriletin bolady»,-dedi J.Ýtebaeva.
Sonymen birge, jaldamaly jumysshy, jeke kásipkerler, sonyń ishinde BJT-ny turaqty tóleýshiler (aı saıyn) bolyp tabylatyn múgedekter, stýdentter, eger olar shekteýlerge baılanysty tabystarynan aırylsa, birjolǵy tólem alýǵa quqyly.
Aıta keteıik, ótinishter 2020 jyldyń 1 qyrkúıegine deıin qabyldanady. Tólem shilde aıyna ǵana tólenedi.
Shymkent
