Habarovsk ólkesiniń gýbernatorynyń mindetin atqarýshy Mıhaıl Degtıarev VVS-ge eks-gýbernator Sergeı Fýrgaldyń tutqyndalýyna baılanysty eki apta boıy mıtıngige shyqqandarmen kezdesesiz be degen suraqqa jaýap berdi. Degtıarev «tereze aldynda aıqaılaýshylarǵa» barýdyń ornyna odan da mańyzdy jumystary bar ekenin aıtty. Bul týraly "Adyrna" "Bı-Bı-Sı"-ge silteme jasap habarlaıdy.
Habarovskidegi narazylyq 11 shildede bastalyp, osy kúnge deıin jalǵasýda. Pýtın Habarovsk gýbernatorynyń mindetin atqarýshy qylyp taǵaıyndaǵan Degtıarevtiń (Fýrgal sııaqty - ol da lıberaldy-demokratııalyq partııasynyń múshesi) kelýinen keıin narazylyq bildirýshiler onyń Máskeýge oralýyn talap ete bastady.
Degtıarev ákimshilik ǵımaratynyń aldyndaǵy mıtıngishilerge shyqpady, degenmen ol óziniń keńsesiniń terezesinen narazylyq bildirýshilerdiń aıqaılap jatqanyn estıtinin aıtty. Degtıarev jumysqa barar jolda Habarovsk turǵyndarymen sóılesti. Ol jaıaý júrip, Instagramnan tikeleı efır taratty.
Jolda turǵyndarǵa ol «jumys kóp bolǵandyqtan» qyzmetinen ketpeıtinin aıtty. Alańdaǵy narazylyq bildirýshiler kógershinderdi tamaqtandyrady, sebebi, olar alańǵa qustarǵa jem berý syltaýymen keledi dep qaljyńdady.
«Olardy kún saıyn nanmen, shemishkemen qorektendiredi. Habarovsk kógershinderi - búkil Reseıdegi eń semiz jáne eń baqytty kógershinder», - dedi Degtıarev.
Beısenbide Degtıarev oblystyq aýrýhanany tekserýge baryp, Habarovsk aımaǵynda koronavırýstyń áserinen karantın rejımin kúsheıtýge bolatynyn eskertti. Provınııadaǵy aýyryp jatqandardyń kóbeıgenin jáne «adamdar ózara qashyqtyqty saqtamaıdy» dedi ol narazylyq akııalaryn meńzep.
- Jigitter, keshke Habarovsk oblysy úkimetiniń terezesiniń aldyna jınalǵandardyń barlyǵyn óz kúshterin eriktilikke jumyldyrýǵa keńes beremin, - dedi gýbernatordyń mindetin atqarýshy aýrýhanaǵa barǵannan keıin. Jalǵyzbasty adamdarǵa tamaq tasyńdar dedi.
- Al, tereze aldynda aıqaılaýdy doǵaryńdar! Birge jumys isteıik, sosyn kóremiz. Bizde 22 mıllıard rýbl turatyn aıaqtalmaǵan jobalar bar. Al basshylarǵa kóshege shyǵyp tereze aldynda aıqaılaýshylarmen sóılesýden góri atqaratyn mańyzdy jumystar bar dedi gýbernator mindetin atqarýshy.
- Siz narazy adamdarmen kezdesýge barasyz ba? - Bı-bı-sı tilshisi Degtııarevten túsinikteme berýdi ótindi.
- Men shyqpaımyn! Men aıttym ǵoı Sizge, durys adamdarǵa únemi shyǵamyn. Men adamdarmen sóılesemin, biraq durys formatta. Dárigerlermen, paıenttermen, mysaly ... mine Sizben sóılesip turmyn. Al endi mynaý ne? Bul maǵan da, orystardyń kópshiligi daýys bergen prezıdentke de qurmetsizdik. Birinshi kezekte ózime emes. Muny isteıtinder, olar ózderin syılamaıtyndar!
